Մարդիկ ամբողջ աշխարհում ավելի չար են դարձել
Մարդիկ ամբողջ աշխարհում ավելի չար, տխուր եւ վախեցած են դարձել, քան երբեւէ։ Ինչպես գրում է Naked-Science-ը, այս երեք զգացմունքների մակարդակը աճել է դեռեւս 2018թ․ եւ շարունակում է մնալ ռեկորդային՝ «Զգացմունքների գլոբալ իրավիճակը» զեկույցում հայտնում է Gallup-ը։ Իր զեկույցի համար Gallup-ը ավելի քան 151 000 հարցազրույց է անցկացրել ավելի քան 140 երկրներում ապրող մեծահասակների հետ։ Նրանց հարցեր են տվել այն մասին, թե ինչ են զգացել մեկ օր առաջ, շատ են արդյոք ժպտացել, ծիծաղել, տխրություն թե ցասում են զգացել։
Ցասում ապրած մարդկանց թիվը աճել է երկու տոկոսով՝ համեմատած անցյալ տարվա հետ, իսկ անհանգստություն եւ տխրություն ապրածների թիվը՝ մեկ տոկոսով՝ նոր առավելագույն մակարդակներ սահմանելով բոլոր երեք բացասական զգացմունքների համար։
Ամբողջ աշխարհում պատերազմների եւ քաղաքական ճգնաժամերի վերջին 12 ամիսների ընթացքում Չադը դարձել է ամենաբացասական երկիրը։ Նրան վարկանիշում հետեւում են Նիգերը, Սիերա Լեոնեն եւ Իրաքը, այն դեպքում, երբ լատինամերիկյան երկրները առաջատար են դրական կողմից։
Չադի տնտեսությունը խորը ճգնաժամ է ապրում 2014թ․ նավթի գների անկումից հետո, եւ կյանքի մակարդակը շարունակում է վատանալ՝ 15 միլիոն քաղաքացիներից վեց միլիոնը ծայրահեղ աղքատ վիճակում է ապրում։ Երկրի բնակիչների 72 տոկոսը հայտարարել է, որ հազիվ է հասցնում սնունդ հայթայթել տարվա ընթացքում։ Երկրի բնակիչները 2018թ․ մեծ մասը ինտերնետին հասանելիություն չեն ունեցել, քանի որ կառավարությունը փակել է այն։
Լատինական Ամերիկայի երկրները այս «տխուր» վարկանիշի հակաառաջատարն են։ Աշխարհում 10-ից 7 մարդ ասել է, որ հաճույք է ստացել, լավ է զգացել եւ շատ է ժպտացել կամ ծիծաղել հարցման նախորդ օրը։
Պարագվայը վերադարձրել է առաջին տեղը՝ որպես ամենաերջանիկ եւ դրական երկիր։ Նա պայքարել է Պանամայի, Գվատեմալայի, Մեքսիկայի, Սալվադորի եւ Հոնդուրասի հետ դաժան մրցակցության պայմաններում՝ չնայած, որ այս երկրներում աղքատության եւ բռնության բարձր մակարդակ կա։
Միաժամանակ, Ինդոնեզիան ամենադրականն է Ամերիկայի սահմաններից դուրս։ Սկանդինավյան երկրները, որպես կանոն, գլխավորում են ամենաերջանիկ պետությունների ցուցակները։ Այսպես, Ֆինլանդիան, Դանիան, Նորվեգիան եւ Իսլանդիան այս տարի ներառվել են աշխարհում երջանկության մասին ՄԱԿ-ի զեկույցում։ Սակայն հարցազրույցների վրա հիմնված Gallup-ի մոտեցումը բազմիցս երջանկության ավելի բարձր մակարդակ է հայտնաբերել Լատինական Ամերիկայի երկրներում։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները