Ութ գոլ մեկ խաղում
Այսօր մեկնարկեց Հայաստանի Բարձրագույն խմբի առաջնության 29-րդ տուրը:
«Արարատը» «Բանանց-3» մարզադաշտում հյուրընկալեց մրցաշարային աղյուսակի առաջատար «Արարատ-Արմենիային» եւ խոշոր հաշվով պարտություն կրեց:
Հենց խաղի սկզբից ակնհայտ էր, որ «Արարատը» լուրջ խնդիրներ ունի խաղային բոլոր գծերում: Պաշտպանները դանդաղ էին եւ կորցնում էին իրենց դիրքերը, կիսապաշտպաները ոչ օգնում էին պաշտպաններին՝ ոչ հարձակման գծին:
Պատահական չէ, որ առանձնապես ջանք չգործադրելով «Արարատ-Արմենիան» հեշտությամբ առավելության հասավ: 14-րդ րոպեին Վարդան Մինասյանի գլխավորած թիմից հաշիվը բացեց Անտոն Կոբյալկոն, 5 րոպե անց աչքի ընկավ Վլադիմիր Խոզինը, իսկ 31-րդ րոպեին հյուրերի երրորդ գոլը խփեց Պետրոս Ավետիսյանը:
Երկրորդ կեսի մեկնարկում՝ 55-րդ րոպեին, Ավետիսյանը դուբլ ձեւակերպեց: Վեց րոպե անց Արտյոմ Սիմոնյանը կրճատեց հաշվի տարբերությունը, սակայն 70-րդ րոպեին Մաիլսոնը վերականգնեց 4 գոլի տարբերությունը: 85-րդ րոպեին Դեյան Վուկոմանովիչը խփեց «Արարատի» երկրորդ գոլը, իսկ վերջնական հաշիվը 91-րդ րոպեին ձեւակերպեց Արթուր Դանիելյանը:
Այս հաղթանակից հետո «Արարատ-Արմենիան» ունի 49 միավոր եւ շարունակում է միանձնյա գլխավորել մրցաշարային աղյուսակը: Տիգրան Եսայանի գլխավորած «Արարատը» 15 միավորով շարունակում է եզրափակել մրցաշարային աղյուսակը:
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել