Այս հաղթանակից հետո «Տոտենհեմը» պարտավոր է հաղթել Չեմպիոնների լիգան
Ապրիլի 17-ին ֆուտբոլի Չեմպիոնների լիգայում կայացավ բոլոր ժամանակների ամենահետաքրքիր, դիտարժան եւ դրամատիզմով լեցուն հանդիպումը: Խորհրդանշական է, որ այդ խաղը կայացավ անգլիական երկու թիմերի միջեւ: «Մանչեսթեր Սիթին» 4:3 հաշվով հաղթեց «Տոտենհեմին», բայց պարտվեց երկու խաղի արդյունքում եւ դուրս մնաց պայքարից:
Հանդիպման 11-րդ րոպեին հանդիպման հաշիվն արդեն 2:2 էր, ընդ որում, մի պահ 2:1 հաշվով խաղը շահում էին հյուրերը, որոնք առաջին խաղում հաղթել էին 1:0 հաշվով: Այդ պահին քիչ հավանական էր թվում, որ մնացած ժամանակում մանչեսթերցիները կարող են երեք գոլ խփել եւ բաց չթողել եւ ոչ մի գոլ:
21-րդ րոպեին խաղը 3:2 հաշվով արդեն շահում էին դաշտի տերերը: Ավելացնենք, որ դաշտի տերերի կազմում երկու գոլ խփել էր Սթերլինգը, իսկ մեկը Բեռնարդո Սիլվան: «Տոտենհեմից» երկու գոլն էլ խփել էր Հոն-Մին Սոնը:
Եթե առաջին 21 րոպեին խփվեց հինգ գալ, ապա հաջորդ՝ վեցերորդ գոլը գրանցվեց միայն 59-րդ րոպեին: «Տոտենհեմը» բաց թողեց գոլ խփելու հրաշալի հնարավորություն եւ հակագրոհը ավարտվեց Ագյուերոյի խփած գոլով: 4:2 եւ արդեն այս հաշիվը ձեռնտու էր Գվարդիոլայի թիմին:
«Տոտենհեմը» չհանձնվեց եւ Լյորենտեն գրավեց դարպասը: Մրցավարի տեսաասիստենտները եւ մրցավար Չաքիրը երկար ուսումնասիրեցին դրվագը, փորձելով համոզվել, թե նա գոլը Մարադոնայի նման ձեռքով էր խփել, թե ոչ: Պարզվեց, որ գոլը «մաքուր» է:
73-րդ րոպեից հետո գրոհում էր գրեթե միայն «Մանչեսթեր Սիթին»: Մրցավարն ավելացրեց հինգ րոպե եւ Սթերլինգին հաջողվեց գրավել դարպասը: Ցնցում էր Գվարդիոլան, ամբողջ մարզադաշտը, ֆուտբվոլիստները, «Տոտենհեմի» մարզիչ Պոչետինոն գլուխը կախել էր, եւ այստեղ հյուրերին օգնության հասան մրցավարի տեսաասիստենտները, որոնք էլ հուշեցին, որը գոլը խփվել է խաղից դուրս վիճակից:
«Տոտենհեմը» հերոսական հաղթանակ տարավ, որից հետո մնում է ասել՝ նման հաղթանակից հետո «Տոտենհեմը» պարտավոր է հաղթել Չեմպիոնների լիգան:
Քառորդ եզրափակիչ մյուս խաղում «Լիվերպուլը» մրցակցի դաշտում 4:1 հաշվով հաղթեց «Պորտուին» եւ հաղթելով ընդհանուր 6:1 հաշվով դուրս եկավ կիսաեզրափակիչ:
Այսպիսով կիսաեզրափակիչում կխաղան «Այաքսը», «Բարսելոնան», «Տոտենհեմը» եւ «Լիվերպուլը»:
Top-News.am
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել