Անգլիայի ընտրանու դարպասապահը ծեծկռտուքի մասնակից է դարձել

Armsport.am-ը գրում է.

Անգլիական բարերից մեկում ծեծկռտուք է տեղի ունեցել «Էվերթոնի» դարպասապահ Ջորդան Պիկֆորդի մասնակցությամբ, այս մասին գրում է The Sun-ը:

Միջադեպը տեղի է ունեցել Սանդերլենդում: Դարպասապահը լեզվակռվի է բռնվել բարի այցելուներից մեկի հետ, ինչի պատճառով սկսել է ծեծկռտուքը: «Էվերթոնի» ներկայացուցիչները հաստատել են, որ տեղեկացվել են միջադեպի մասին:

Ընթացիկ մրցաշրջանում 25-ամյա դարպասապահը մասնակցել է Անգլիայի Պրեմիեր լիգայի 32 խաղի՝ բաց թողնելով 42 գոլ: «Էվերթոնը» 32 տուրից հետո զբաղեցնում է մրցաշարային աղյուսակի 9-րդ հորիզոնականը: