Ազարը համաձայնեցրել է պայմանագիրը Ռեալի հետ. աղբյուր

«Չելսիի» կիսապաշտպան Էդեն Ազարը կարիերան կարող է շարունակել «Ռեալում», հայտնում է Tuttomercatoweb-ը:

Աղբյուրի փոխանցմամբ, 28-ամյա ֆուտբոլիստն ու մադրիդյան ակումբն անձնական պայմանագրի շուրջ լիարժեք համաձայնության են եկել: «Սանտյագո Բեռնաբեու» ստադիոնում բելգիացին տարեկան 15 մլն եվրո կստանա` առանց բոնուսների:

Տրանսֆերն ավարտին հասցնելու համար, որը 90-100 մլն եվրո է գնահատվում, «սերուցքայինները» պետք է ֆուտբոլիստի տեղափոխությունը համաձայնեցեն «Չելսիի» հետ:

Ընթացիկ մրցաշրջանում Ազարն ակումբային մակարդակում 39 հանդիպում է անցկացրել: Դրանցում դարձել է 16 գոլի և 11 գոլային փոխանցման հեղինակ: Նա «Չելսի» է տեղափոխվել «Լիլից» 2012 թվականին: Նրա համար լոնդոնյան թիմի ղեկավարությունը 35 մլն եվրո է վճարել: Բելգիայի հավաքականի կազմում Ազարը 100 հանդիպման է մասնակցել, որոնցում դարձել է 30 գոլի հեղինակ: