Անգլիան հաղթեց գերխոշոր հաշվով

Ֆուտբոլի Եվրոպայի առաջնության ընտրական փուլում առաջին տուրի խաղերը կայացան A, B եւ H խմբերում:

A խմբում Անգլիան առանց դժվարության 5:0 հաշվով հաղթեց Չեխիային, իսկ Բուլղարիա-Չեռնոգորիա խաղն ավարտվեց 1:1 հաշվով: Այս տուրում ազատ էր Կոսովոյի հավաքականը:

B խմբում Պորտուգալիան հսկայական առավելություն ուներ Ուկրաինայի հետ խաղում, բայց այդպես էլ չկարողացավ գոլ խփել: Անկասկած, 0:0 հաշիվը գոհացրեց միայն Շեւչենկոյի Ուկրաինայի հավաքականին: Այս խմբի մյուս խաղում Լյուքսեմբուրգը 2:1 հաշվով հաղթեց Լիտվային եւ գլխավորեց խմբի աղյուսակը: Ի դեպ, այս տուրում խաղից ազատ էր Սերբիայի հավաքականը:

H խմբում աշխարհի չեմպիոն ֆրանսիացիները Մոլդովայում տեղի հավաքականին հաղթեցին 4:1 հաշվով: Չեմպիոններից գոլերը խփեցին Գրիզմանը, Վարանը, Ժիրուն եւ Մբապեն:

Իսլանդացիները մրցակցի դաշտում 2:0 հաշվով հաղթեցին Անդորրային: Նույն հաշվով եւ կրկին մրցակցի դաշտում Թուրքիան հաղթեց Ալբանիային:

Top-News.am