Աշխարհի փոխչեմպիոններն ու երրորդ մրցանակակիրները սկսեցին հաղթանակով
Սկսվեց ֆուտբոլի Եվրոպայի առաջնության ընտրական մրցաշարը: Սկսվեց մեծ անակնկալով: Ղազախստանի հավաքականը ոգեւորված Նուրսուլթան Նազարբաեւի անակնկալ հրաժարականով եւ առաջնորդվելով բարձրակարգ մարզիչ Միխալ Բիլեկի ցուցումներով 3:0 հաշվով հաղթեցին Շոտլանդիայի ավանդապաշտ հավաքականին:
Ղազախների հետ նույն I խմբում ընդգրկված, աշխարհի բրոնզե մրցանակակիր Բելգիայի ընտրանին առանց դժվարության, բայց ոչ առանց կուրիոզի 3:1 հաշվով հաղթեց Ռուսաստանի հավաքականին: Ռուսաստանցիները միակ գոլը խփեցին Կուրտուայի անհեթեթ եւ ոչ պարտադիր սխալի հետեւանքով:
Հիմա ռուսները մտածում են հաղթել այն նույն ղազախներին, որոնք հաղթեցին շոտլանդացիներին: Ընդ որում խաղը երեք օր հետո կայանալու է Ղազախստանում: Այս խմբի մյուս խաղում Կիպրոսը 5:0 հաշվով հաղթեց Սան Մարինոյին եւ գլխավորեց աղյուսակը:
C խմբում ամեն ինչ ավարտվեց առանց անակնկալների: Հյուսիսիռլանդացիները 2:0 հաշվով հաղթեցին էստոններին, հոլանդացիները 4:0 հաշվով հաղթեցին բելառուսներին: Պատկերացնո՞ւմ եք ինչպես կընթանար խաղը, եթե հրաժարական տված լիներ Լուկաշենկոն:
Այս տուրում խաղից ազատ էին գերմանացիները:
E խմբում իրենց եւ ոչ միայն իրենց երկրպագուների հետ մի լավ խաղացին աշխարհի փոխչեմպիոն խորվաթները: Ադրբեջանի հետ խաղում նրանք առաջինը գոլ բաց թողեցին եւ հաշիվը հավասարեցրին միայն առաջին խաղակեսի ամենավերջում: Հաղթական գոլն էլ Կրամարիչը խփեց խաղի ավարտից 12 րոպե առաջ:
Ի տարբերություն խորվաթների, սլովակներն առանց որեւէ մեկին նյարդայնացնելու 2:0 հաշվով հաղթեցին հունգարներին՝ իրենց հարեւաններին:
Եթե C խմբում ազատ էին գերմանացիները, ապա E խմբում ազատ էր Բեյլի թիմը՝ Ուելսը:
G խմբում Ավստրիան վերցրեց եւ 1:0 հաշվով սեփական դաշտում պարտվեց Լեհաստանին: Հյուսիսային Մակեդոնիան, որին Հայաստանի հավաքականը հաղթեց խոշոր հաշվով, 3:1 հաշվով հաղթեց Լատվիային: Իհարկե, ոմանք կհարցնեն, թե իսկ որտեղ է Հարավային Մակեդոնիան: Այն Հունաստանում է եւ հենց հույների պատճառով նախկին հարավսլավական երկիրը կոչվեց ոչ թե Մակեդոնիա, այլ Հյուսիսային Մակեդոնիա:
Այս խմբի մյուս խաղում Իսրայելը 1:1 խաղաց Սլովենիայի հետ:
Ի դեպ, սա այն խմբերից մեկն է, որտեղ առաջին կամ երկրորդ տեղը հանգիստ կարող են զբաղեցնել հավաքականներից յուրաքանչյուրը;
Top-News.am
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...