ԱՄՆ կառավարության մասնակի «անջատումը» ակներևաբար չի հաղթահարվի մինչև Նոր տարի

Միացյալ Նահանգների Կոնգրեսն ու Սպիտակ տունը ակներևաբար կորցրել են հույսը, որ կարող են հաղթահարել կառավարության մասնակի «անջատումը» մինչև Նոր տարի։

Սենատի երեկվա կարճատև նիստից հետո հաջորդ նիստը նախատեսված է դեկտեմբերի 31-ին: Թե՛ դեմոկրատ, թե՛ հանրապետական օրենսդիրները և նախագահ Դոնալդ Թրամփը կփորձեն համաձայնության գալ՝ շարունակելու համար կառավարության ֆինանսավորումը, որը մասնակիորեն դադարեցվել է «անջատման» պատճառով, սակայն, ամենայն հավանականությամբ, համաձայնությունը հունվարի 3-ից շուտ ձեռք չի բերվի։

Դեմոկրատները 2019 թվականից մեծամասնություն կունենան Կոնգրեսի Ներկայացուցիչների պալատում, իսկ հանրապետականները կպահպանեն մեծամասնությունը Սենատում։

ԱՄՆ նախագահ Դոնալդ Թրամփը հայտարարել էր, որ կառավարությունը չի վերականգնի բնականոն գործունեությունը այնքան ժամանակ, քանի դեռ դեմոկրատ կոնգրեսականները չեն հաստատել Մեքսիկայի հետ սահմանին պատի կառուցման ֆինանսավորումը:

Բյուջետային ճգնաժամի պատճառով անցյալ շաբաթվանից ամերիկյան 15 նախարարություններից 9-ը՝ այդ թվում Պետքարտուղարությունը, Ներքին անվտանգության, Գյուղատնտեսության և Արդարադատության նախարարությունները, մասնակիորեն դադարեցրել են իրենց աշխատանքը:

Այս թեմայով The Wall Street Journal. Պենտագոնը տասնամյակներ շարունակ խրախուսել է ամերիկացիների հավատը ՉԹՕ-ների նկատմամբ Կոբախիձեն տարակուսանք է հայտնել Թրամփին Վրաստանի հետ հարաբերությունները վերականգնելու հարցում ԱՄՆ լռության կապակցությամբ Պետքարտուղարությունը կկրճատի ավելի քան 130 գերատեսչություն և ավելի քան 700 հաստիք Լրատվամիջոցները նշել են Ուկրաինայի նպատակը ԱՄՆ-ի հետ բանակցություններում Թրամփի վարչակազմը ծրագրում է ամեն օր ռազմական օդային ուժերով արտաքսել միգրանտներին. Թոմ Հոման