Միացյալ Նահանգների գլխավոր տոնածառը կմնա առանց լուսավորության՝ կառավարության աշխատանքի կասեցման պատճառով

ԱՄՆ գլխավոր տոնածառը, որը գտնվում է Սպիտակ տան դիմացի մեծ այգում, կմնա առանց լուսավորության՝ կառավարության աշխատանքի կասեցման պատճառով: Այս մասին կիրակի հաղորդել է The Hill--թերթը`վկայակոչելով Ազգային զբոսայգու ծառայությանը:

Ինչպես պարզաբանել է թերթը, կառավարության աշխատանքի մասնակի կասեցումը բարդացրել է տոնածառի վրա էլեկտրական լուսաշղթայի վերանորոգումը, որը վնասվել էր անցյալ ուրբաթ ծառը բարձրացած անհայտ անձի կողմից:

Ոստիկանության խոսքերով, նա գտնվելիս է եղել «էմոցիոնալ խանգարման» վիճակում: Հասարակական կարգի պահապանները կարողացել են նրան համոզել ծառից իջնել, որից հետո նա տեղափոխվել է հիվանդանոց՝ հոգեբուժական փորձաքննության, հաղորդում է ТАСС-ը:

«Կառավարության աշխատանքի մասնակի կասեցման ընթացքում Սպիտակ տան այցելուների համար կենտրոնը եւ տոնածառի հրապարակը փակվելու են», - ասված է Ազգային զբոսայգու ծառայության հայտարարության մեջ:

Սպիտակ տան տոնածառի լույսերը վառվեցին նոյեմբերի 28-ին՝ Նախագահ Դոնալդ Թրամփի կողմից: Նրա հետ միասին արարողությանը մասնակցեցին առաջին տիկին Մելանիան եւ ԱՄՆ նախագահի երեխաները: Սպիտակ տան տվյալների համաձայն, 8,5մ բարձրության կապույտ տոնածառի վրա էլեկտրական կապույտ լուսաշղթայի ընդհանուր երկարությունը գրեթե 7 կմ է:

Երկրի հիմնական տոնածառի վրա լույսեր վառելու ավանդույթը դրվել է 1923 թվականին՝ Միացյալ Նահանգների 30-րդ նախագահ Քելվին Քուլինջի կողմից: Այդ ժամանակից ի վեր, այն երբեք չի խախտվել:

Այս թեմայով The Wall Street Journal. Պենտագոնը տասնամյակներ շարունակ խրախուսել է ամերիկացիների հավատը ՉԹՕ-ների նկատմամբ Կոբախիձեն տարակուսանք է հայտնել Թրամփին Վրաստանի հետ հարաբերությունները վերականգնելու հարցում ԱՄՆ լռության կապակցությամբ Պետքարտուղարությունը կկրճատի ավելի քան 130 գերատեսչություն և ավելի քան 700 հաստիք Լրատվամիջոցները նշել են Ուկրաինայի նպատակը ԱՄՆ-ի հետ բանակցություններում Թրամփի վարչակազմը ծրագրում է ամեն օր ռազմական օդային ուժերով արտաքսել միգրանտներին. Թոմ Հոման