Ռուսաստանը հավելյալ օդուժ է տեղակայել Ղրիմում. «Ռոյթերս»

«Ռոյթերս» գործակալությունը վկայակոչելով ակնատեսներին հաղորդում է, որ շաբաթ օր ավելի քան մեկ տասնյակ SU-27 և SU-30 տիպի կործանիչներ վայրէջք են կատարել Սիմֆերոպոլի մոտ գտնվող «Բելբեկ» ավիաբազայում: Մոսկվան Ղրիմում ռազմական օդուժն ավելացնում է ռուս-ուկրաինական լարվածության ֆոնին:

Ռուսաստանի արտգործնախարար Սերգեյ Լավրովն ավելի վաղ ասել է, թե Ուկրաինան Ղրիմի մոտ տարեվերջին սադրանք է նախապատրաստում: Կիևն իր հերթին մեղադրել է Մոսկվային երկու երկրների սահմանին ռազմական մեծ ուժեր կենտրոնացնելու մեջ: Ուկրաինայի նախագահ Պետրո Պորոշենկոն ասել էր, թե Ռուսաստանը սահմանային շրջաններին է մոտեցրել 80 հազարանոց զորք, 1400 հրետանային և հրթիռային համակարգ, 900 տանկ, 2300 զրահամեքենա ու հարյուրավոր մարտական ինքնաթիռներ:

Վերջին շաբաթներին լարվածությունն աճել է, երբ անցած նոյեմբերին Ռուսաստանը Ազովի ծովում ուկրաինական երեք նավ կալանեց և ձերբակալեց նավաստիներին:

Այս թեմայով Ռուս ընդդիմադիր գործիչ Ալեքսեյ Նավալնին բանտում մահացել է Սիրիայում ՌԴ–ի հետ հակասությունը C-400–ների վրա չի ազդի Ռուսաստանը Թուրքիային կոչ է անում խստորեն կատարել Իդլիբի վերաբերյալ Սոչիի համաձայնագիրը․ Լավրով Ռուսաստանի հետ համատեղ հերթապահությունը կսկսվի մոտ ժամանակներս.Թուրքիայի պաշտպանության նախարար ՌԴ ՊՆ-ն ցուցադրել է «Օխոտնիկ» նորագույն անօդաչուի առաջին թռիչքը (տեսանյութ)