Թուրքիայի հետ վեճը ընտրությունների նախօրեին Նիդեռլանդներում ազգայնականություն է բորբոքում
Մոտ 13 մլն հոլանդացիներ մարտի 15-ին քվեարկելու են ընտրությունների ժամանակ, որը դիտարկվելու է որպես հակամիգրացիոն թեստ, նաեւ ցույց է տալու ընտրողների վերաբերմունքը եվրոպական իսթեբլիշմենթին։ Այս պայմաններում Թուրքիայի հետ կատաղի վեճը ձեռնտու է ուլտրաաջերին, գրում է Reuters–ը։
Անկարան դադարեցրել է Ամստերդամի հետ հարաբերությունները, լինելով ՆԱՏՕ-ում նրա գործընկերը, իսկ պատճառն այն էր, որ Նիդեռլանդների իշխանությունները Թուրքիայի նախարարներին թույլ չեն տվել իրենց երկրում հանրահավաքներ անցկացնել ու տեղաբնակ թուրքերին քարոզել Թուրքիայում ծրագրվող սահմանադրական բարեփոխումները, որոնցով ընդլայնվելու են նախագահ Էրդողանի լիազորությունները։
Նիդեռլանդների Ազատության կուսակցության առաջնորդ Գերտ ՎԻլդերսը, որը կողմ է արտահայտվում երկրի ապաիսլամականացմանը, հույս ունի միավորներ հավաքել տեղի ունեցած վեճից ու ավելացնել ընտրություններին հաջողության հասնելու շանսերը։
Նիդեռլանդների վարչապետ Մարկ Ռյուտեն նույնպես իրատեսական է անվանել Վիլդերսի մուտքը խորհրդարան։
Վիլդերսը կառավարություն ձեւավորելու շանսեր չունի, իսկ մյուս քաղաքական ուժերը բացառել են Ազատության կուսակցության հետ կոալիցիա կազմելու հնարավորությունը, համարելով այն ռասիստական։ Սակայն եթե այդ կուսակցությունը հաջողություն ունենա ընտրություններում, Եվրոպայում ամեն դեպքում հարվածային ալիք կսկսվի։
Հոլանդական ընտրությունները այս տարվա երեք խոշոր փորձություններից մեկն են։ Ապրիլին Ֆրանսիայի նախագահական ընտրություններն են, իսկ սեպտեմբերին խորհրդարանական ընտրություններ են Գերմանիայում։
ԵՄ արտաքին քաղաքականության հարցերով հանձնակատար Ֆեդերիկա Մոգերինին ու ընլայնման հարցերով հանձնակատար Յոհաննես Հանը Թուրքիային կոչ են արել զերծ մնալ «ավելորդ հայտարարություններից» կոնֆլիկտը չբորբոքելու համար։
Ֆրանսիայում հակաիսլամական ու մեկուսացման հռետորաբանության հաշվին միավորներ է հավաքում Ազգային ճակատի առաջնորդ Մարին Լը Պենը, իսկ գերմանացիների շրջանում պոպուլյար է դառնում «Այլընտրանք Գերմանիայի համար» եվրոսկեպտիկների կուսակցությունը, որը հավանաբար կմտնի դաշնային խորհրդարան։
Բրեքսիթից ու ԱՄՆ-ում եվրոսկեպտիկ Դոնալդ Թրամփի ընտրվելուց հետո Եվրոպային սպասում է իսթեբլիշմենթի դեմ տրամադրությունների նոր ալիք, որը կարող է սպառնալ Եվրոպայի գոյատեւմանը։
Հոլանդիայի վարչապետ Ռյուտեն կոշտ դիրքորոշում է զբաղեցրել Անկարայի հետ վեճում, ու ինչպես հարցումն է ցույց տալիս, հոլանդացիների 86 տոկոսը աջակցում է նրան։ Շատերը համարում են, որ Ռյուտեն այդ քայլով փորձել է նախաձեռնությունը խլել ուլտրաաջերից։ Պահպանողական Ռյուտեն կոչ է արել ընտրողներին ոչ ասել Վիլդերսին։ «Նման բան արդեն եղել է Բրիտանիայում, նման բան եղել է ԱՄՆ-ում Թրամփի դեպքում, երբ նախորդ օրը ոչ ոք չէր հավատում , որ դա հնարավոր է։ Շատ մեծ են շանսերը ,որ մարտի 16-ին մենք նույնպես կարթնանանք ու կհայտնաբերենք , որ Վիլդերսի կուսակցությունը մեծամասնություն է ստացել»,- ասել է վարչապետը։
Լեհդենյան համալսարանի պրոֆեսոր Յաապ վան Հոլսթեյնի կարծիքով վերջին իրադարձությունների համատեքստում Վիլդերսի հաղթանակի հնարավորությունն իրատեսական է։
«Ներգաղթը ու ինտեգրումը ու Թուրքիայի հետ Հոլանդիայի հարաբերությունները ուշադրության կենտրոնում են, ու Վիլդերսը կարող է դիտարկվել որպես խնդրի լուծում»,- ասել է պրոֆեսորը, հավելելով , որ ընտրողներից շատերը կարող են հենց քվեարկության օրը կողմնորոշվել։
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Մահացել է ՀՀ վաստակավոր արտիստ Արտաշես Ալեքսանյանը
Ուկրաինան հարվածել է Ռուսաստանի վերջին խոշոր նավթավերամշակման գործարանին
Ինչո՞ւ է շոգին գլխացավն ավելի հաճախ լինում․ բժիշկը ներկայացնում է հիմնական պատճառներն ու խորհուրդներ...
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
«Ուժեղ Հայաստան»-ը կվերցնի մանդատները և կգնա Ազգային ժողով
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Սահմանազատում, ԹՐԻՓՓ և բարեփոխումներ. ԱԺ պաշտպանության հանձնաժողովի նախագահը հանդիպել է ՀՀ-ում ԵՄ քա...
Վահան Հովհաննիսյանը ինքնաբացարկի դիմում է ներկայացրել ԿԸՀ և դուրս է գալիս «Ուժեղ Հայաստան» դաշինքի ց...
Վ.Բրյուսովի անվան պետական համալսարանի ամբիոնի վարիչը մեղադրվում է հովանավորչության համար կաշառք ստան...