Եվրահանձնաժողովը զեկույց է պատրաստել եվրոպական անվտանգության համակարգում խնդիրների մասին

Մասնագետները հայտնել են եվրոպական անվտանգության համակարգում բացթողումների մասին, որոնք մի քանի տարում ահաբեկիչներին թույլ տվեցին մի շարք հարձակումներ իրականացնել։ Այս մասին հայտնել է Guardian պարբերականը՝ վկայակոչելով Եվրահանձնաժողովի զեկույցին։

Համաձայն Եվրահանձնաժողովի անվտանգության գծով աշխատանքային խմբի մշակած փաստաթղթի՝ Եվրոպայի տարածքում վերջին ահաբեկչությունների կազմակերպիչները Եմ սահմանը հատել են հարձակումներից որոշ ժամանակ առաջ եւ հավելյալ ստուգումների չեն ենթարկվել, քանի որ Շենգենյան գոտին հատելու կարգը թույլ չի տալիս համեմատել ազգային եւ միջազգային տվյալների բազան։

Ինչպես ասվում է զեկույցում՝ անվտանգության ապահովման եվրոպական համակարգի մյուս թերությունն է ԵՄ–ի ներսում ահաբեկիչների ու նրանց օգնականների տեղաշարժի վերահսկողությունը՝ հարձակումներ նախապատրաստելուց կամ փախուստի դեպքում։

«Դրա արդյունքում մնում է այն հարցը՝արդյո՞ք կարելի է այլ միջոցներ եւս ձեռնարկել՝ Շենգենյան գոտում անվտանգության խստացման համար Դա կարող է ներառել ներքին սահմաններին, ինչպես նաեւ հիմնական տրանսպորտային երթուղիներում ոստիկանական ստուգումները», — ասվում է զեկույցում։

Լուրեր Հայաստանից - NEWS.am