Էրդողանը պատասխանել է իրեն բռնակալ անվանած շվեյցարական հեղինակավոր պարբերականին
Թուրքիայի նախագահ Ռեջեփ Թայիփ Էրդողանը պատասխանել է շվեյցարական հեղինակավոր պարբերականին, որը կոչ էր արել Շվեյցարիայի թուրքերին դեմ քվեարկել Էրդողանի բռնակալությանն ու Թուրքիայում կառավարման նախագահական համակարգի անցման առաջարկին:
Հիշեցնենք, որ նախօրեին շվեյցարական հեղինակավոր Blick պարբերականը կոչ էր արել երկրում ապրող թուրքերին չաջակցել Էրդողանի բռնապետական համակարգին ու դեմ քվեարկել Թուրքիայում կառավարման նախագահական համակարգի անցման առաջարկին: Ավելին՝ պարբերականի շապիկին հայտնվել էր թուրքերեն ««Ոչ» քվեարկեք Էրդողանի բռնապետությանը» վերնագիրը:
«Շվեյցարական պարբերականի վերնագիրը շատ-շատ նշանակալից է: Ես ուրախանում եմ դրա համար, շատ երջանիկ եմ: Ինչո՞ւ: Շվեյցարական թերթերը թուրքերեն են սովորում: Ի՞նչ է ասում այդ վերնագրում: Ասում է՝ ««Ոչ» քվեարկեք Էրդողանի բռնապետությանը»: Ճիշտ է ասում: Ես բռնակալություն չունեմ, ախր: Սա հակառակ կողմից որ կարդաք, նշանակում է՝ ««Այո» քվեարկեք նախագահական համակարգին», - ասել է Էրդողանը:
Նշենք, որ պարբերականն իր հոդվածում հիշեցրել էր Շվեյցարիայի թուրքերին, որ եթե նրանք պատրաստվում են Շվեյցարիայում ապրելով՝ աջակցել Թուրքիայում ստեղծված բռնապետական համակարգին, ապա կրկին ազատ են այդ ընտրության մեջ, բայց՝ այդ բռնապետության մեջ, այլ ոչ թե Շվեյցարիայում ապրելու պայմանով:
«Եթե ինչ-որ մեկը ցանկանում է իր երկրում բռնապետական համակարգ հիմնել՝ խնդրենք, թող անի: Բայց մի պայմանով, որ կապրի իր իսկ ստեղծած բռնապետական համակարգում», - գրել էր շվեյցարական պարբերականը:
Հիշեցնենք, որ հունվարի 21-ին Թուրքիայի խորհրդարանը ձայների մեծամասնությամբ հավանություն է տվել Սահմանադրությունում փոփոխությունների իրականացման փաթեթին, որն առաջարկում է անցում կատարել կառավարման նախագահական համակարգին: 18 հոդվածից բաղկացած օրենքի ընդունմանը կողմ է քվեարկել 339 պատգամավոր: Սահմանադրական փոփոխությունների հարցով հանրաքվեն կանցկացվի ապրիլի 16-ին։
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Մահացել է ՀՀ վաստակավոր արտիստ Արտաշես Ալեքսանյանը
Ուկրաինան հարվածել է Ռուսաստանի վերջին խոշոր նավթավերամշակման գործարանին
Ինչո՞ւ է շոգին գլխացավն ավելի հաճախ լինում․ բժիշկը ներկայացնում է հիմնական պատճառներն ու խորհուրդներ...
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
«Ուժեղ Հայաստան»-ը կվերցնի մանդատները և կգնա Ազգային ժողով
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Սահմանազատում, ԹՐԻՓՓ և բարեփոխումներ. ԱԺ պաշտպանության հանձնաժողովի նախագահը հանդիպել է ՀՀ-ում ԵՄ քա...
Վահան Հովհաննիսյանը ինքնաբացարկի դիմում է ներկայացրել ԿԸՀ և դուրս է գալիս «Ուժեղ Հայաստան» դաշինքի ց...
Վ.Բրյուսովի անվան պետական համալսարանի ամբիոնի վարիչը մեղադրվում է հովանավորչության համար կաշառք ստան...