Թուրք հայտնի փորձագետ-համտեսողը տպավորված է Ստամբուլում հայկական խոհանոց ներկայացնող մուսալեռցիներով
Թուրքական ամենաընթերցվող թերթը համարվող «Հյուրրիյեթ»-ի էջերում թուրք ամենահայտնի փորձագետ-համտեսող Վեդաթ Միլորն այս անգամ անդրադարձել է Ստամբուլի կենտրոնում գտնվող հայկական ռեստորաններից մեկին՝ համտեսելով այստեղ արևմտահայ խոհանոցի տարբեր ավանդական ուտեստներ:
Մուսալեռցի հայերի կողմից Բեյօղլու շրջանում հիմնված ռեստորանը գրավել է Միլորի ուշադրությունը հատկապես անհատական մոտեցման, հայկական տոլմայի յուրահատուկ համի ու անձնակազմի աշխատասիրության շնորհիվ:
«Ես այդքան էլ չեմ սիրում մարդաշատ ռեստորանները, որովհետև, շատ կներեք, հիմնականում հաճախորդներին կենդանիների հոտի պես են վերաբերվում: Այսպիսի մի մոտեցում ունեն. «Ես քո կարիքը չունեմ: Ինչպես էլ լինի՝ ռեստորանս լիքն է»: Հենց այստեղ ես տեսա Արետին: Եթե ռեստորան բացեմ՝ աշխատողներիս գաստրոնոմիկ դպրոց ուղարկելու փոխարեն հենց նրա մոտ կուղարկեմ: Որովհետև լավ ռեստորան աշխատեցնողը պետք է պարբերաբար ժամանակ անցկացնի այցելուների հետ, նայի նրանց ոչ որպես կենդանի դրամապանակ, այլ ընկեր: Եվ իսկապես պետք է սիրես քո գործը: Պարոն Արետն ունի այդ բոլոր հատկությունները և իդեալական մասնագետ է այս բնագավառում», - պատմում է Միլորը:
Քննադատը հատկապես հավանել է հայկական ռեստորանի մատուցած ձիթապտղի ձեթով պատրաստվող պղպեղով տոլման և պոլսահայերի ավանդական նախուտեստներից համարվող թոփիքը:
«Տոլման առատ էր պիստակով, համեմված էր դարչինով: Ուղղակի հրաշալի է: Հայտնի հայկական նախուտեստ թոփիքն էլ արժանավայել էր պատրաստված», - նշել է փորձագետը:
Միլորը զարմանքով նկատել է, որ ռեստորանի հայ տերը ամսվա մեջ հանգստանում է երկու օր և տքնաջան աշխատում է ռեստորանում օրվա մեջ 14 ժամ:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է