«ԱՄՆ-ն Իրանի դեմ ռազմական գործողություն սկսելու պլաններ չունի». Բոլթոն

Միացյալ Նահանգների նախագահի ազգային անվտանգության հարցերով խորհրդական Ջոն Բոլթոնը հայտարարել է, որ ԱՄՆ-ն Իրանի դեմ ռազմական գործողություն սկսելու պլաններ չունի, եթե երկիրը դուրս գա միջուկային համաձայնագրից, գրում է ՌԻԱ Նովոստի գործակալությունը:

«Նման բան չկա մեր պլաններոմ: Նախագահը չի կարծում, որ Իրանը մտադիր է դուրս գալ գործարքից»,- ասել է նա լրագրողներին՝ պատասխանելով հարցին՝ ԱՄՆ-ն ունի նման ռազմական տարբերակ այն դեպքում, եթե Իրանը դուրս գա համաձայնագրից:

Բոլթոնը հավելել է, որ չի կարծում, որ Իրանը ներկայում պահպանում է գործարքի դրույթները:

Հիշեցնենք, որ 2015 թվականին Իրանի ու «միջնորդ վեցյակի» միջև կնքվել է միջուկային համաձայնագիր, որը ԱՄՆ նախագահ Դոնալդ Թրամփն «աղետալի» է անվանել: Նա այս տարվա մայիսին հայտարարել է միջուկային համաձայնագրից դուրս գալու ու նախկին պատժամիջոցներն Իրանի նկատմամբ վերականգնելու մասին: Օրերս էլ նա ասել է, որ Իրանի նկատմամբ ԱՄՆ-ի սահմանած պատժամիջոցները կգործեն այնքան ժամանակ, քանի դեռ չի կնքվի նոր՝ Վաշինգտոնին ձեռնտու համաձայնագիր:

Այս թեմայով NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Պենտագոնն Իրանի հետ պատերազմի ծախսերը ծածկելու համար Կոնգրեսից 80 միլիարդ դոլար է ցանկանում. Wall Street Journal Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում