Ադրբեջանում իշխանությունը ընտանեկան գործ է. Foreign Policy

Ադրբեջանը երկիր է, որի խղճին առնվազն 14 բանտարկյալ կա: Այն կառավարվում է ամուսին-կին տանդեմով՝ նախագահ-փոխնախագահ: Իլհամ Ալիեւի կինը՝ Մեհրիբան Ալիեւան, կարող է փոխարինել նրան, եթե նա հանկարծ հեռանա պաշտոնից, գրում է Foreign Policy-ի վերլուծաբան Էմիլի Թամքինը:

Խոսելով Ադրբեջանում իշխող ընտանիքի մասին՝ հեղինակն իշխանության հնարավոր անցումը մեկից մյուսին «ընտանեկան գործ» է անվանում:

Սակայն հեղինակը նշում է, որ նույնիսկ հանգամանքների նման շրջադարձի դեպքում, գտնվում են մարդիկ, որոնց մոտ Մեհրիբան Ալիեւայի՝ փոխնախագահի պաշտոնում նշանակվելը խանդաղատանք է առաջացնում: Այսպես, օրինակ, Washington Times -ում գրված է, որ Ադրբեջանը «պատմական քայլ է կատարել»՝ որպես մուսուլմանական երկիր, որտեղ կինն իշխանության գլուխ է կանգնած:

«Կարճ ասած, Ադրբեջանն ունի փոխնախագահ, ով ամուսնացած է նախագահի հետ, «Թրամփ» հյուրանոց, որն այդպես էլ չի բացվել, բայց կարող է հանգեցնել ԱՄՆ նախագահին անօրինականության մեջ մեղադրելուն, ինչպես նաեւ Եվրոպայի խորհրդի վրա ազդելու ազդեցություն ձեռք բերելու ծրագիր: Իսկ ահա Միացյալ Նահանգներում կան պարբերականներ, որտեղ առաջին տիկին-փոխնախագահին գովաբանող հոդվածներ են տպագրվում»,- ամփոփում է հեղինակը:

Լուրեր Հայաստանից - NEWS.am