Եվրախորհրդարանի ընդունած բանաձևով կոչ է արվում պատժամիջոցներ նախատեսել էր Ռիադի դեմ
Եվրախորհրդարանը հավանություն է տվել մի բանաձեւի, որով կոչ է արվում ընդհանուր դիրքորոշում մշակել Սաուդյան Արաբիային զենքի մատակարարման բռնարգելք սահմանելու համար, ինչպես նաեւ պատժամիջոցներ նախատեսել էր Ռիադի դեմ։
«Քվեարկությունն ավարտված է: Հավանություն է տրվել»,- բանաձեւի նախգծի շուրջ անցկացված քվեարկության արդյունքները հրապարակել է Եվրախորհրդարանի՝ Ստրասբուրգում ընթացող նստաշրջանի նախագահը, բանաձեւ, որն ընդունվել է սաուդցի լրագրող Ջամալ Հաշքաջիի սպանության կապակցությամբ:
Տեքստը բովանդակում է նաեւ ԵՄ-ի գործադիր մարմիններին ուղղված կոչ՝ «պատրաստ լինել պատժամիջոցներ սահմանել, ներառյալ այցագրային արգելքները եւ ակտիվների սառեցումը Սաուդյան Արաբիայի առանձին անձանց դեմ, ինչպես նաեւ պատժամիջոցներ Սաուդյան Արաբիայի դեմ՝ կապված մարդու իրավունքների հետ, փաստերը պարզելուց հետո»:
Ավելի վաղ Ֆրանսիայի նախագահ Էմանուել Մակրոնը Սաուդյան Արաբիայի Սալման բեն Աբդել Ազիզ ալ Սաուդ թագավորի հետ կայացած հեռախոսազրույցի ընթացքում պահանջել է բացահայտել Ստամբուլում Սաուդյան Արաբիայի հյուպատոսարանում լրագրող Ջամալ Հաշքաջիի զոհվելու հանամանքների հետաքննության մանրամասնությունները:
Մակրոնը նաեւ խոստացել է միանալ այն միջազգային պատժամիջոցներին, որոնք կարող են սահմանվել լրագրողի մահվան մեջ մեղավորների նկատմամբ: Եվրախորհրդի նախագահ Դոնալդ Տուսկը՝ նախօրյակին ելույթ ունենալով Եվրախորհրդարանում, հայտարարել է, որ Եվրոպական միությունը պահանջում է սաուդցի լրագրող Ջամալ Հաշքաջիի սպանության մանրակրկիտ հետաքննություն անցկացնել:
«Եվրոպան շահագրգռված է բոլոր մանրամասնությունների բացահայտմամբ, անկախ այն բանից, թե ով է կանգնած այդ արարքի հետեւում»,-ասել Է նա: Տուսկը Հաշքաջիի սպանությունը որակել է «սարսափազդու հանցագործություն»: Սաուդցի լրագրող Ջամալ Հաշքաջին, որը հայտնի էր Էր Ռիադի քաղաքականության վերաբերյալ քննդատական հոդվածներով, կորել է հոկտեմբերի 2-ին՝ Ստամբուլում Սաուդյան Արաբիայի գլխավոր հյուպատոսություն այցելելուց հետո: Հոկտեմբերի 20-ին սաուդյան իշխանությունները հայտնել են, որ լրագրողը դիվանագիտական առաքելության շենքում սպանվել է կոնֆլիկտի հետեւանքով, սակայն միջադեպի մանրամասները չեն ներկայացրել, հաղորդել է ՌԻԱ Նովոստին:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Երևանում մի քանի փողոցներում կփոխվի երթևեկության կազմակերպումը
Առաջին դասարանցիների առցանց ընդունելությունը՝ նոր կանոններ, նոր մարտահրավերներ
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
ՀՀ ԱԺ արտահերթ նստաշրջան - 02.07.2026
Վենեսուելայի երկինքը կարմրել է երկրաշարժից հետո (տեսանյութ)
Հայաստանի և Ադրբեջանի քաղաքացիները կկարողանան գաղտնի տեղեկատվություն տրամադրել անհայտ կորածների և հն...
Կասեցվել է «Թամարա» ապրանքանիշի երեք արտադրատեսակների արտադրությունը
Ռուսաստանում ուժի մեջ է մտել ԱՊՀ-ից և Վրաստանից բեռնատարների հեռագնաց վարորդների՝ մինչև 180 օրով մնա...