Ռուսական շուկաներում խուճապ է սկսվել. Газета.ру

ԱՄՆ-ի նոր հնարավոր պատժամիջոցների մասին տեղեկությունից հետո ռուսական շուկաներում խուճապ է սկսվել. գրում է Газета.ру-ն:

Հիշեցնենք, որ ԱՄՆ-ը ցանկանում է նոր պատժամիջոցներ սահմանել` Սկրիպալների գործի հետ կապված:

ՌԴ-ում դոլարի փոխարժեքը հասել է 67,09 ռուբլու: Այդ մասին են վկայում Մոսկովյան բորսայի տվյալները: Նման ցուցանիշ 2016-ի օգոստոսի 3-ից հետո առաջին անգամ է գրանցվել:

«Որքան ծանր կլինի ռուսական տնտեսության համար ամերիկյան պատժամիջոցների նոր ալիքը՝ ոչ ոք չգիտի: Պաշտոնատար անձանց և գործարար հատվածի դիրքորոշումները կտրուկ տարբեր են: ՌԴ ԱԳՆ-ի պաշտոնական դիրքորոշումը սպասելի էր. սպասեք պատասխան քայլերի:

Սակայն ռուսաստանցիները հանգստություն չեն պահպանում: Միջին խավը մտածում է` արդյո՞ք այժմ հարկավոր է արժույթ գնել»,-գրում է թերթը:

Ըստ վերլուծաբան Իգոր Կովալևի` եթե ապագա ամիսներին պատժամիջոցների հռետորաբանությունը չմեղմանա, դոլարը կարող է հասնել 70 ռուբլի ցուցանիշի:

«Ռուբլին պատժամիջոցային թակարդում է հայտնվել»,-կարծում է նա:

Ֆինանսական խորհրդատու Ժաննա Կուլակովան կարծում է, որ Կոնգրեսը դեռ չի ընդունել օրենքի նախագիծը, և փաստաթուղթը կարող է զգալի փոփոխությունների ենթարկվել, կամ ընդհանրապես չընդունվել:

Այս թեմայով Ռուս ընդդիմադիր գործիչ Ալեքսեյ Նավալնին բանտում մահացել է Սիրիայում ՌԴ–ի հետ հակասությունը C-400–ների վրա չի ազդի Ռուսաստանը Թուրքիային կոչ է անում խստորեն կատարել Իդլիբի վերաբերյալ Սոչիի համաձայնագիրը․ Լավրով Ռուսաստանի հետ համատեղ հերթապահությունը կսկսվի մոտ ժամանակներս.Թուրքիայի պաշտպանության նախարար ՌԴ ՊՆ-ն ցուցադրել է «Օխոտնիկ» նորագույն անօդաչուի առաջին թռիչքը (տեսանյութ)