Հայտնի են ամենաէժան բենզին վաճառող երկրները

Bloomberg գործակալությունը կազմել է երկրների վարկանիշային աղյուսակ՝ ըստ աշխարհում ամենաէժան եւ ամենաթանկ АИ-95 բենզին վաճառելու:

Bloomberg-ի վարկածով՝ ամենաէժան բենզինը վաճառվում է Վենեսուելայում, որտեղ 1 լիտր բենզինն արժե 0,01 դոլարից պակաս: Երկրորդ տեղում է Իրանը՝ 0,28 դոլար գնով, առաջին եռյակը եզրափակում է Քուվեյթը՝ լիտրը 0,35 դոլար ցուցանիշով:

Ամենաէժան բենզինով երկրների առաջին տասնյակ են մտել նաեւ Նիիգերիան (0,41 դոլար), Եգիպտոսը (0,43 դոլար), Սաուդյան Արաբիան (0,54 դոլար), Մալայզիան (0,54 դոլար), Ինդոնեզիան (0,67 դոլար), ԱՄԷ-ն (0,68 դոլար) եւ Ռուսաստանը (0,72 դոլար):

Վարկանիշի համաձայն՝ աշխարհում ամենաթանկ բենզինը Հոնկոնգում է (2,09 դոլար), Նորվեգիայում (2,02 դոլար) եւ Նիդերլանդներում (1,93 դոլար): Առաջին տասնյակի մեջ են մտել նաեւ Հունաստանը (1,91 դոլար), Իտալիան (1,91 դոլար), Դանիան (1,90 դոլար), Իսրայելը (1,86 դոլար), Պորտուգալիան (1,83 դոլար), Ֆինլանդիան (1,79 դոլար) եւ Ֆրանսիան (1,78 դոլար), փոխանցում է «ՌԻԱ Նովոստի»-ն: