Մեքսիկայում մեկ օրում 3 պաշտոնյա է սպանվել
Մեքսիկայում ուրբաթ սպանվել է Միչոական նահանգում գտնվող Բուենավիստա քաղաքի նոր քաղաքապետը, գրում է «ՌԻԱ Նովոստի» գործակալությունը՝ Excelsior պորտալին հղումով։
Էլիսեո Դելգադոն գնդակահարվել է անհայտ անձանց կողմից անմիջապես քաղաքային վարչակազմի շենքի մուտքի մոտ։ Նա «Միասին կերտենք պատմություն» կոալիցիայի անդամ էր։
Դելգադոն ուրբաթ սպանված արդեն երրորդ պաշտոնյան էր։ Նույն օրն ավելի վաղ սպանվել են Խալիսկո նահանգի Տլակեպակե քաղաքի քաղաքապետի խորհրդականը, որը ներկայացնում էր «Մորենա» կուսակցությունը, և Օախակա նահանգի Սան Միգել Չիմալապաս բնակավայրի հանրային սեփականությունների հարցերով կոմիսարը։
Վերջին տարիներին Մեքսիկայում կտրուկ աճել է բռնությունների թիվը, ինչը հիմնականում պայմանավորված է նարկոկարտելների միջև պայքարով՝ ԱՄՆ կոկաինի տարանցման նկատմամբ հսկողության համար։ Միայն նախընտրական արշավի ընթացքում սպանվել է ավելի քան 520 քաղաքական գործիչ ու պետծառայող։ Վերջին նախագահական ընտրություններում հաղթած Անդրես Մանուել Լոպես Օբրադորն արդեն հայտարարել է, որ մտադիր է փոխել հանցավորության դեմ պայքարի վեկտորն ուժայինից սոցիալականի՝ փորձելով լուծել խնդիրները, որոնք բռնություն են ծնում։
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Առաջին դասարանցիների առցանց ընդունելությունը՝ նոր կանոններ, նոր մարտահրավերներ
Վենեսուելայի երկինքը կարմրել է երկրաշարժից հետո (տեսանյութ)
Հայաստանի և Ադրբեջանի քաղաքացիները կկարողանան գաղտնի տեղեկատվություն տրամադրել անհայտ կորածների և հն...
ՀՀ ԱԺ արտահերթ նստաշրջան - 02.07.2026
Հարավային Աֆրիկայում բողոքի ցույցեր են միգրանտների դեմ
Թուրքիան բարձրացրել է Բոսֆորով և Դարդանելով տարանցման արժեքը
Ունենք մասնագետներ, որոնք 1 մլն դրամից ավելի աշխատավարձ են ստանում պոլիկլինիկական օղակում. Ավանեսյան
ՆԳՆ քրեական ոստիկանները վնասազերծել են խոշոր չափերի համակարգչային հափշտակություններ իրականացնող խմբի
Կասեցվել է «Օքսիջեն»-ի հացի թխման արտադրամասի գործունեությունը