«Ես ցնցված եմ»․ CNN-ի լրագրողը քննադատել է Պուտինին՝ Թրամփի հետ հանդիպմանն ուշանալու համար

Ամերիկյան CNN հեռուստաալիքի լրագրողը բավականին բուռն կերպով է արձագանքել Ռուսաստանի Դաշնության նախագահ Վլադիմիր Պուտինի օդանավի՝ ԱՄՆ նախագահ Դոնալդ Թրամփի հետ հելսինկյան հանդիպմանը նախատեսված ժամից ուշանալու փաստին։

«Ես ցնցված եմ, որ պատժամիջոցների տակ գտնվող երկրի նախագահը ստիպում է սպասել ազատ աշխարհի առաջնորդին», - ասել է հեռուստաալիքի լրագրող Քեթլին Քոլինզը։

Հիշեցնենք, որ Ֆինլանդիայի մայրաքաղաք Հելսինկիում այսօր տեղի է ունեցել Դոնալդ Թրամփի և Վլադիմիր Պուտինի դեմ առ դեմ հանդիպումը, որի ժամանակ երկու պետությունների ղեկավարները ողջունել են իրար ու ընդգծել հանդիպման կարևորությունը:

Հելսինկյան հանդիպումը երկու պետությունների ղեկավարների՝ միջազգային համաժողովների շրջանակից դուրս անցկացվող առաջին լիարժեք ձևաչափով հանդիպումն է:

«Ես իրապես հավատացած եմ՝ աշխարհը ցանկանում է, որ մենք «լեզու գտնենք»: Մենք երկու միջուկային գերտերություններ ենք: Մեր երկրները հարաբերությունների կարգավորման համար մեծ հնարավորություններ ունեն»,- հանդիպման վերաբերյալ ասել է Թրամփը:

Այս թեմայով The Wall Street Journal. Պենտագոնը տասնամյակներ շարունակ խրախուսել է ամերիկացիների հավատը ՉԹՕ-ների նկատմամբ Կոբախիձեն տարակուսանք է հայտնել Թրամփին Վրաստանի հետ հարաբերությունները վերականգնելու հարցում ԱՄՆ լռության կապակցությամբ Պետքարտուղարությունը կկրճատի ավելի քան 130 գերատեսչություն և ավելի քան 700 հաստիք Լրատվամիջոցները նշել են Ուկրաինայի նպատակը ԱՄՆ-ի հետ բանակցություններում Թրամփի վարչակազմը ծրագրում է ամեն օր ռազմական օդային ուժերով արտաքսել միգրանտներին. Թոմ Հոման