ԱԱ-2018․ Շվեդիան հաղթեց Շվեյցարիային և դուրս եկավ քառորդ եզրափակիչ

Ռուսաստանում շարունակվող ֆուտբոլի աշխարհ առաջնության 1/8 եզրափակիչում մրցեցին Շվեդիայի և Շվեյցարիայի հավաքականները։ Սանկտ Պետերբուրգի համանուն ստադիոնում կայացած խաղի առաջին կեսում գոլեր չգրանցվեցին։

Յանե Անդերսոնի թիմին հաղթանակ բերեց Էմիլ Ֆորսբերգի խփած գոլը։ 66-րդ րոպեին գերմանական «Լայպցիգի» կիսապաշտպանի հարվածից հետո գնդակը անդրադարձից հետո հայտնվեց Յան Զոմերի պաշտպանած դարպասում։

Շվեդիան քառորդ եզրափակիչում կհանդիպի Կոլումբիա - Անգլիա դիմակայության հաջողակին։

ԱԱ-2018, 1/8 եզրափակիչ

Շվեդիա - Շվեյցարիա՝ 1։0 

Էմիլ Ֆորսբերգ, 66

Շվեդիա․ Օլսեն, Լուստիգ, Լինդելյոֆ, Գրանկվիստ, Աուգուստինսոն, Էկդալ, Սվենսոն, Ֆորսբերգ, Կլասոն, Բերգ (Տելին, 90), Տոյվոնեն։

Շվեյցարիա․ Զոմեր, Լանգ, Ականջու, Ջուրու, Ռոդրիգես, Ջակա, Բեհրամի, Ջեմաիլի, Ցուբեր, Շաքիրի, Դրմիչ։

Այս թեմայով Խորվաթիայի նախագահը ԱԱ-2018-ի, ուշացած անձրևանոցի ու իր փչացած սանրվածքի մասին Ֆրանսիայում դիմավորել են աշխարհի չեմպիոններին (Լուսանկարներ) Ֆրանսիան ցնծում է, Խորվաթիան տխրում Դեշանը՝ չեմպիոն-խաղացող և չեմպիոն-մարզիչ Աշխարհի առաջնության եզրափակիչը լուսանկարներով