ԱԱ-2018. Մեսսին արցունքն աչքերին հեռացավ Ռուսաստանից

Ֆուտբոլի աշխարհի աշխարհի առաջնության 1/8 եզրափակչում Ֆրանսիայի հավաքականը Կազան քաղաքի համանուն մարզադաշտում մրցեց Արգենտինայի ընտրանու հետ:

Հանդիպման մեկնարկային րոպեներին երկու թիմերը կառուցողական խաղ էին ցուցադրում, սակայն Ֆրանսիայի հակագրոհներից մեկի ժամանակ Մարկոս Ռոխոն խախտեց խաղի կանոնները սեփական տուգանային հրապարակում և նշանակվեց 11 մետրանոց հարված: Այն անվրեպ իրացրեց և «կապույտներին» առաջ մղեց՝ Անտուան Գրիզմանը՝ 1:0:

 Ֆրանսիայի ազգային թիմի կազմում առանձնանում էր երիտասարդ հարձակվող Մբապեն, ով կարողանում էր շուտ ազատվել արգենտինացիների պաշտպաններից: Վիճակագրությամբ գնդակին առավել շատ տիրում, ավելի ճիշտ փոխանցումներ կատարում էր Արգենտինան, սակայն հաշվի հավասարությունը վերականգնել այդպես էլ չէր հաջողվում: Բայց «ալբիսելեստեն» հասավ նրան, որ թիմերը հանգստի գնացին հավասար՝ 1:1 հաշվով: Հեռահար, դիպուկ, հուժկու հարվածով հաշվի հավասարությունը վերականգնեց Անխել դի Մարիան:

 Երկրորդ կեսի մեկնարկում՝ 48-րդ րոպեին, Արգենտինայի հերթական գրոհի ժամանակ Մեսսի անհաջող հարվածից հետո գնդակի ընթացքը պատահաբար շրջեց և այն դարպասն ուղարկեց Մերկադոն: Բայց Ֆրանսիայից շատ երկար ժամանակ չպահանջվեց հաշվի հավասարությունը վերականգնելու համար: Հրաշալի գոլով աչքի ընկավ Պավարը՝ 2:2:

 Ֆրանսիան կառուցողական խաղի շնորհիվ 64-րդ րոպեին առաջ անցավ հաշվի մեջ: Գոլն իր ակտիվում գրանցեց Մբապեն՝3:2: Վերջինս ընդամենը 4 րոպե անց նորից օգտվեց Արգենտինայի պաշտպանության խոցելի օղակից և խփեց Ֆրանսիայի 4-րդ, իսկ իր երկրորդ գոլն այս խաղում: Հանդիպման լրացուցիչ ժամանակում Ագուերոն խփեց Արգենտինայի 3-րդ գոլը: Ի վերջո Ֆրանսիա 4:3 հաշվով հաղթեց Արգենտինային և դուրս եկավ քառորդ եզրափակիչ:

Քառորդ եզրափակչում Ֆրանսիան կխաղա Ուրուգվայ-Պորոտւգալիա զույգի հաղթողի հետ: Այդ հանիպումը կկայանա հուլիսի 6-ին:

Այս թեմայով Խորվաթիայի նախագահը ԱԱ-2018-ի, ուշացած անձրևանոցի ու իր փչացած սանրվածքի մասին Ֆրանսիայում դիմավորել են աշխարհի չեմպիոններին (Լուսանկարներ) Ֆրանսիան ցնծում է, Խորվաթիան տխրում Դեշանը՝ չեմպիոն-խաղացող և չեմպիոն-մարզիչ Աշխարհի առաջնության եզրափակիչը լուսանկարներով