Չինաստանը պատրաստ է 1 տարում ԱՄՆ-ից 70 մլրդ դոլարի ապրանք գնել, եթե Թրամփը չեղարկի մաքսատուրքերը

Չինաստանի իշխանությունները պատրաստ են Միացյալ Նահանգներից 70 մլրդ դոլարի գյուղատնտեսական ու արդյունաբերական արտադրանք, ինչպես նաև էներգակիրներ գնել, եթե նախագահ Դոնալդ Թրամփը համաձայնի չեղարկել ավելի վաղ հայտարարած մաքսատուրքերը:

Այս մասին գրում է The New York Times-ը՝ մանրամասնելով, որ համապատասխան առաջարկն արվել է Պեկինում Չինաստանի ղեկավարի տնտեսական հարցերով խորհրդական Լյու Հիի ու ԱՄՆ-ի առևտրի նախարար Ուիլբուր Ռոսի հետ հանդիպման ժամանակ:

Չինական կողմն ընդգծել է, որ գործարքը տեղի կունենա միայն այն ժամանակ, երբ Միացյալ Նահանգները հրաժարվի բազմամիլիարդանոց մաքսատուրքերի սահմանումից ու այլ սահմանափակումներից: Սակայն պաշտոնական Վաշինգտոնը դեռևս չի արձագանքել առաջարկին:

Ավելի վաղ Թրամփը հայտարարել էր, որ ԱՄՆ-ն չի կարող իրեն թույլ տալ պարտվել «առևտրային պատերազմում»:

Ընթացիկ տարվա ապրիլին Չինաստանի իշխանությունները որոշել էին 25 տոկոսի չափով մաքսատուրք սահմանել ԱՄՆ-ից ներմուծվող 106 անուն ապրանքի համար:

Այս թեմայով The Wall Street Journal. Պենտագոնը տասնամյակներ շարունակ խրախուսել է ամերիկացիների հավատը ՉԹՕ-ների նկատմամբ Կոբախիձեն տարակուսանք է հայտնել Թրամփին Վրաստանի հետ հարաբերությունները վերականգնելու հարցում ԱՄՆ լռության կապակցությամբ Պետքարտուղարությունը կկրճատի ավելի քան 130 գերատեսչություն և ավելի քան 700 հաստիք Լրատվամիջոցները նշել են Ուկրաինայի նպատակը ԱՄՆ-ի հետ բանակցություններում Թրամփի վարչակազմը ծրագրում է ամեն օր ռազմական օդային ուժերով արտաքսել միգրանտներին. Թոմ Հոման