Սիրիական բանակը 4 բնակավայր է ազատագրել Եփրատի արևելյան ափերին

Սիրիական բանակի զինվորներին և աշխարհազորայինների ջոկատներին կիրակի հաջողվել է 4 բնակավայր գրավել Դեր Զոր նահանգում՝ Եփրատ գետի արևելյան ափերին (Դամասկոսից 420 կմ հեռավորությամբ):

Ինչպես հայտնում է ТАСС գործակալությունը, այս մասին հայտնել է սիրիական լրատվական կայքը՝ հղում անելով սիրիական ռազմական աղբյուրին: Աղբյուրի տվյալներով՝ սիրիական զորքերի ազատագրած Ջնեյնա, Ջեյա, Շարմաթ էլ Հուսան և Խովեյկա բնակավայրերը նախկինում գտնվել են «Սիրիայի ժողովրդավարական ուժեր» զինված կոալիցիայի ձեռքերում:

Քրդական աղբյուրը, իր հերթին, պաշտոնական հայտարարություն է տեղադրել, որում ասվում է, որ քրդական ջոկատները պատասխան գործողություններ են իրականացրել և սիրիացի զինծառայողների հետ մարտերից հետո վերականգնել են վերահսկողությունը 4 բնակավայրում:

Սիրիայի արևելքում գտնվող Դեր Զոր նահանգի մեծ մասն «Իսլամական պետություն» ահաբեկչական խմբավորման գրոհայիններից 2017-ի նոյեմբերին ազատագրվել է կառավարական ուժերի կողմից:

Սակայն Եփրատի արևելյան ափերին զինվորական գործողություններն ԻՊ-ի և արաբաքրդական կազմավորումների դեմ շարունակվում են:

Այս թեմայով Հալեպի նահանգային իշխանություններն այցել են ՀՀ գլխավոր հյուպատոսություն ԱՄՆ-ն դատապարտում է Սիրիայում արմատական ​​ահաբեկիչների իրականացրած սպանությունները. Մարկո Ռուբիո Հարյուրավոր սիրիացիներ բռնությունից ապաստան են գտել Լաթաքիայի ռուսական ավիաբազայում. Reuters Պուտինը, Մերկելը, Էրդողանը և Մակրոնը Սիրիայի հարցով քառակողմ հանդիպում կունենան Սիրիական բանակը մասամբ ազատագրել է Իդլիբը