Թրամփն ՕՊԵԿ-ին մեղադրել է նավթի գների արհեստական բարձրացման համար

ԱՄՆ նախագահ Դոնալդ Թրամփը հայտարարել է, որ նավթի գներն արհեստականորեն են բարձրացված: Այս մասին Թրամփը նշել է «Թվիթերի» իր միկրոբլոգում, փոխանցում է Gazeta.ru-ն:

«Ըստ երեւույթին, ՕՊԵԿ-ը հին գործին է անցել: Ամենուր նավթի ռեկորդային քանակությամբ, ներառյալ ամբողջությամբ բեռնված նավերով ծովում: Նավթի գներն արհեստականորեն են բարձրացված: Սրա մեջ ոչ մի լավ բան չկա, եւ սա չի կարող ընդունելի լինել»,- նշել է Թրամփը:

Նավթի համաշխարհային գները նվազում են 2014 թվականի ռեկորդների թարմացումից հետո:

Հյուսիսամերիկյան Brent տեսակի նավթային խառնուրդի հունիսյան ֆյուչերսների արժեքը նվազել է 0,26 տոկոսով՝ բարելի դիմաց հասնելով մինչեւ 73,59 դոլարի, WTI տեսակի նավթի մայիսյան ֆյուչերսները՝ 0,31 տոկոսով, բարելի դիմաց հասնելով մինչեւ 68,08 դոլարի: Այս շաբաթ Brent-ը հաղթահարել է բարելի դիմաց 74 դոլարի նիշը, WTI-ն՝ 69 դոլարի, երկու նիշերն էլ 2014-ի նոյեմբեր-դեկտեմբերից առավելագույնն են:

Այս թեմայով Պենտագոնն Իրանի հետ պատերազմի ծախսերը ծածկելու համար Կոնգրեսից 80 միլիարդ դոլար է ցանկանում. Wall Street Journal ԱՄՆ-ն հետաքրքրված է, որ արաբական երկրները ծածկեն Իրանի դեմ պատերազմի ծախսերը ԱՄՆ վիզաների համակարգը պաշտպանված է խիստ ստուգումների շնորհիվ․ դեսպանություն Հեգսեթ. ԱՄՆ-ն պետք է օգտագործի իր սեփական զինամթերքը, այլ ոչ թե ուղարկի այն Ուկրաինա Մերձավոր Արևելքում ԱՄՆ մի շարք դեսպանատներ ժամանակավորապես փակվել են