ԱՄՆ-ն սպառնում է պատժամիջոցներ սահմանել Թուրքիայի դեմ

ԱՄՆ-ն սպառնում է պատժամիջոցներ սահմանել Թուրքիայի դեմ, եթե վերջինս չհրաժարվի ռուսական С-400 զենիթահրթիռային համակարգերի գործարքից, գրում է թուրքական «ՀաբերԹյուրք»-ը՝ հղում անելով ամերիկացի պաշտոնյայի, ում անունը չի բացահայտվում:

Ըստ նրա՝ ԱՄՆ-ն իր մտահոգությունն է հայտնում С-400-ի և ՆԱՏՕ-ի զինատեսակների համատեղելիության վերաբերյալ և նույնիսկ հակաօդային պաշտպանության իր պահանջները բավարարելու համար համապատասխան այլընտրանք առաջարկում իր դաշնակցին՝ С-400-ից հրաժարվելու դեպքում:

«Չի բացառվում, որ հակառակ դեպքում Անկարան կարող է բախվել ամերիկյան պատժամիջոցներին», - գրում է կայքը:

Հիշեցնենք, որ 2017 թվականին Ռուսաստանի և Թուրքիայի միջև C-400 համակարգերի գնման շուրջ կնքված գործարքը Թուրքիային արժեցել է ավելի քան 2 մլրդ դոլար:

ԱՄՆ Պենտագոնի ղեկավար Ջեյմս Մեթիսը հայտարարել էր, որ Թուրքիայի կողմից ռուսական С-400 զենիթահրթիռային համակարգերի գնումն այդ երկրի ինքնուրույն որոշումն է, սակայն Թուրքիան այն ՆԱՏՕ-ի այլ զինատեսակների հետ համատեղ կերպով կիրառել չի կարողանա:

Այս թեմայով Էրդողանն ու Թրամփը հեռախոսազրույց են ունեցել Ռուսական С-400 ՀՕՊ համակարգերը Թուրքիայում կլինեն 2019-ի ամռանը Էրդողանը խոստացել է շարունակել Թուրքիայի անվտանգության ամրապնդումը նաև С-400-ի գնումով Թուրքիայի արտգործնախարար. «ԱՄՆ-ն արդեն չափն անցնում է» Վաշինգտոնի և Անկարայի վեճը սրվում է