Իսրայելի ՌՕՈՒ ղեկավարը Սիրիայի օբյեկտներին հասցված հարվածները 1982-ից հետո ամենախոշոր գործողությունն է անվանել

Սիրիայի օբյեկտների վրա հարձակումները, որոնք փետրվարի 10-ին իրականացրել էին իսրայելցի զինվորականները, դարձան Սիրիայի հակաօդային պաշտպանության դեմ 1982 թվականից հետո Իսրայելի ռազմաօդային ուժերի խոշորագույն գործողությունը: Այս մասին հայտարարել է Իսրայելի ռազմաօդային ուժերի գլխավոր շտաբի պետ, գեներալ Թոմեր Բարը, հաղորդում է Haaretz-ը:

Իսրայելցի զինվորականները հայտարարել էին, որ Սիրիայում 12 թիրախի հարված են հասցրել, այդ թվում` Սիրիայի չորս ՀՕՊ օբյեկտներին եւ F-16 ինքնաթիռի վթարից հետո չորս իրանական օբյեկտներին:

Իսրայելական ինքնաթիռները Սիրիայի օբյեկտների վրա առաջին հարձակումն իրականացրել էին այն ժամանակ, երբ իրանական անօդաչուն, որը Սիրիայի կողմից խախտել էր Իսրայելի օդային սահմանը, ոչնչացվել էր:

Իրանը հերքել էր, որ իր անօդաչուն Իսրայելի տարածք է ներխուժել: Բարի խոսքով՝ դրոնը Իսրայելի տարածքով ոչ ավելի քան 1.5 րոպե է թռչել, որից հետո ուղղաթիռից խփվել է:

news.am

Այս թեմայով NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում Իրանում նախազգուշացրել են հնարավոր պատասխանի մասին, եթե Իսրայելը շարունակի հարձակումները Լիբանանի հարավում