Իսրայելը թռիչքների համար փակել է իր օդային տարածքի մի հատվածը

Իսրայելի ավիացիոն ղեկավարւթյունը հայտնել է, որ երկրի զգալի հատվածում օդային տարածքը փակ է թռիչքների համար, սակայն գլխավոր օդանավակայանն աշխատում է նորմալ ռեժիմում՝ չնայած իրանական անօդաչուների հետ կապված միջադեպին եւ դրան հետեւած իսրայելական օդուժի հարձակմանը Սիրիայում, փոխանցում է «ՌԻԱ Նովոսստի»-ն:

Ավիացիոն ղեկավարությունը խոստովանել է, որ իրադարձությունների ամենաթեժ պահին 15-20 րոպեով հետաձգվել են Դավիդ Բեն Գուրիոնի անվան միջազգային օդանավակայանում գտնվող կամ այնտեղից մեկնող մի քանի ինքնաթիռների թռիչքները:

«Այժմ օդանավակայանը աշխատում է նորմալ ռեժիմով...Շֆաիմից հյուսիս ընկած օդային տարածքը փակ է թռիչքների համար»,-նշված է Իսրայելի օդանավակայանների վարչության հաղորդագրության մեջ:

Շֆաիմը ոչ մեծ բնակավայր է երկրի կենտրոնում՝ Թել Ավիվից 20 կմ հարավ՝ Գերցլլիա եւ Նետանիյա քաղաքների միջեւ:

Ավելի վաղ՝ շաբաթ վաղ առավոտյան, իսրայելական զինվորականանները խոցել էին իրանական թռչող սարքը, որը ներխուժել էր երկրի օդային տարածք Սիրիայից, ու ի պատասխան գրոհել էին «իրանական նշանակետերի վրա» հարեւան երկրի տարածքում: Ավելի ուշ Իսրայելի ՊԲ մամուլի ծառայությունում հայտնել էին, որ Իսրայելի հյուսիսում ջախջախվել է իսրայելական F-16 կործանիչը, օդաչուները փրկվել են։

Այս թեմայով NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում Իրանում նախազգուշացրել են հնարավոր պատասխանի մասին, եթե Իսրայելը շարունակի հարձակումները Լիբանանի հարավում