Սաակաշվիլին խնդրել է չխանգարել իրեն քաղաքականությամբ զբաղվել Ուկրաինայում

Ուկրաինայի գլխավոր դատախազ Յուրի Լուցենկոն սպառնացել է Միխայիլ Սաակաշվիլիին իր քաղաքական գործունեության պատճառով արտահանձնել Վրաստանին: Այս մասին իր ֆեյսբուքյան էջին գրել է «Նոր ուժերի շարժում» կուսակցության առաջնորդ Միխայիլ Սաակաշվիլին:

«Երբ նրանց ողջ «գործը» ճաք տվեց, պարզվում է, որ ինձ Վրաստան են որոշել ուղարկել: Ոչ, «պետական հեղաշրջման եւ ԱԴԾ-ի (Ռուսաստանի Դաշնության Անվտանգության դաշնային ծառայություն) հետ համագործակցության համար» դատեք ինձ այստեղ՝ ուկրաինական օրենքների համաձայն: Իսկ ձեր գործը ձախողվե՞լ է: Վկաները փախե՞լ են, «ապացույցներն անհետացե՞լ են», «հեռախոսազրույցը» պարզվել է, որ մոնտա՞ժ է: Այդ դեպքում հանգիստ թողեք ինձ եւ մի խանգարեք զբաղվել քաղաքականությամբ Ուկրաինայում եւ մի խանգարեք փրկել ժողովրդին օլիգարխներից, թմրավաճառներից եւ նրանց ենթականերից, այդ թվում նաեւ Ձեզնից՝ պարոն անդիպլոմավոր դատախազ»,- գրել է Սաակաշվիլին:

Այս թեմայով Սահակաշվիլին պատմել է, թե ինչպես է Թրամփը հարցրել իր կարծիքը նախագահի պաշտոնում առաջադրվելու մասին Սաակաշվիլին Հայաստանի և Ադրբեջանի ղեկավարներին կոչ է անում դիտարկել Ուկրաինայի և Մոլդովայի օրինակը Սաակաշվիլին հայտարարել է, որ ցանկանում է մահվանից հետո թաղվել Ուկրաինայում Սաակաշվիլին հրաժարվել է արյուն հանձնել քննության համար. Վրաստան Սաակաշվիլին այլեւս չի զբաղվի քաղաքականությամբ