Իրանահայերը փորձում են պահպանել բնական կյանքի զգացողությունը
Իրանում բնակվող հայ քրիստոնյաները Զատիկը կիրակի օրը նշել են երկրի մայրաքաղաքի եկեղեցիներից մեկում՝ փորձելով պահպանել բնական կյանքի զգացողությունը պատերազմն սկսվելուց հինգ շաբաթ անց, հաղորդում է Associated Press-ը։
Թեհրանի կենտրոնում գտնվող Սուրբ Սարգիս մայր տաճարում հավատացյալները գրկախառնվում էին, իսկ երեխաները փոխանակում էին [կռվացնում էին] ներկված ձվերը, նկատել է գործակալության թղթակիցը։ Փետրվարի 28-ից՝ ԱՄՆ-ի եւ Իսրայելի կողմից Իրանի դեմ պատրեազմ սկսելուց հետո մայրաքաղաքն ամեն օր ռմբակոծությունների տակ է։
Անգլերենի ուսուցչուհի Ջոանիտա Առաքելը AP հետ զրույցում նշել է, որ փորձում է պահպանել բնական կյանքի զգացողությունը՝ հանուն իր երեխաների։
Թեհրանի Հայոց Սուրբ Սարգիս Մայր տաճարի հովիվ՝ Սեպուհ արքեպիսկոպոս Սարգսյանը գործակալության ասել է, որ իր կոչը «նախեւառաջ ուղղված է պատերազմն սկսողներին, որպեսզի նրանք նայեն երկինք, որտեղից մեզ է տրված սերն ու փոխադարձ հարգանքը թե Հիսուսի Ծննդյան, թե Հարության միջոցով»։
Մոտ 90 միլիոն բնակչություն ունեցող Իսլամական Հանրապետությունում ապրում է շուրջ 300 հազար քրիստոնյա, հիմնականում հայեր։ Խորհրդարանում երեք տեղ նախատեսված է քրիստոնյաների համար, Թեհրանից իր ռեպորտաժն այսպես է ավարտել Associated Press-ը։
Մենք միանգամայն արժանիորեն դուրս եկանք հաջորդ փուլ
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
Երևանը կդառնա ժամանակակից երաժշտության և արվեստի միջազգային կենտրոն
Աբու Դաբին կունենա համաշխարհային արվեստի նոր կենտրոն
Կարլոս Էսպին պայմանագիր է կնքել «Ռեալ Մադրիդի» հետ
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Ուրումչիի մշակութային ուղին. Գրանդ բազար
Փրկարարները կենդանուն դուրս են բերել ջրատարից
Մահացել է աշխարհի չեմպիոն և «Միլանի» լեգենդ Ֆրանկո Բարեզին