Ամփոփվել է զինհաշմանդամների դասընթացների շարքը․ Հայէկոնոմբանկը շարունակում է Զինվորի տան հետ համագործակցությունը
Կարևորելով կորպորատիվ սոցիալական պատասխանատվությունը՝ 2025 թվականի տարեկան ժողովի շրջանակում Հայէկոնոմբանկը հայտարարեց Զինվորի տան հետ կարևոր նախաձեռնության մեկնարկի մասին:
Հայէկոնոմբանկի և Զինվորի տան կողմից անցկացված դասընթացներին մասնակցել է Զինվորի տան մոտ երեք տասնյակ շահառու: Երկամսյա ծրագիրը ներառել է լեզուների իմացության, համակարգչային գիտելիքների, փափուկ հմտությունների, այդ թվում՝ սթրեսակայունության և հաղորդակցման կարողությունների բարելավման դասընթացներ:
«Նախնական փուլում իրականացվել է կրթական կարիքների գնահատում, այնուհետև ձեռնամուխ ենք եղել դասընթացների անցկացմանը: Մեծ ուշադրություն է հատկացվել օտար լեզուներով բանկային բառապաշարի հարստացմանը և փափուկ հմտությունների զարգացմանը: Տղաները շատ կիրառական գիտելիքներ են ստացել ծրագրի շրջանակում և իսկապես ոգևորված են այս նախագծով», - Զինվորի տան և Բանկի ներկայացուցիչների միջև տեղի ունեցած հանդիպման ժամանակ նշեց Զինվորի տան Կրթական բաժնի ղեկավար Սաթենիկ Էլբակյանը:
Հաշվի առնելով ծրագրի մասնակիցների հետաքրքրվածությունը և կարևորելով նրանց պատրաստվածությունը՝ Հայէկոնոմբանկը նախաձեռնեց հավելյալ սեմինար-քննարկում Բանկային գործի վերաբերյալ: Բանկի Մասնաճյուղերի գործունեության պլանավորման և հսկողության բաժնի պետ Մարիաննա Մելիքջանյանը ներկայացրեց բանկային համակարգի օրենսդրական դաշտը, Կենտրոնական բանկի հիմնական գործառույթներն ու նպատակները, առևտրային բանկերի գործունեությունը: Հայէկոնոմբանկի Անձնակազմի կառավարման և ուսումնական ծրագրերի բաժնի պետ Մարիամ Գևորգյանը ներկայացրեց Հայէկոնոմբանկի հիմնական կառուցվածքը, էթիկայի և գործարար վարվելակերպի այն հիմնարար նորմերը, որոնք պարտադիր են Բանկի բոլոր աշխատակիցների համար: Անդրադարձ կատարվեց Բանկում աշխատանքի ընդունման ընթացակարգերին և աշխատակիցներին տրվող հիմնական առավելություններին:
«Մենք անչափ կարևորում ենք Զինվորի տան հետ իրականացվող այս ծրագիրը: Լիահույս ենք, որ կարող ենք առաջ շարժվել և Բանկում աշխատանքի հնարավորություն առաջարկել ծրագրի շահառուներին: Մենք երկու հիմնական բաժին ենք դիտարկում աշխատանքի համար՝ մասնաճյուղային ցանցի վարկային բաժնում և Հաճախորդների աջակցման կենտրոնում, բայց կախված տղաների հմտություններից և նախասիրություններից՝ կարող են դիտարկվել այլ ստորաբաժանումներ ևս», - նշեց Հայէկոնոմբանկի Գործադիր տնօրենի տեղակալ Վահե Ղազարյանը:
Հայէկոնոմբանկը մեծ պատասխանատվությամբ և հոգածությամբ է վերաբերվում Զինվորի տան հետ իրականացվող այս սոցիալական ծրագրին և լիահույս է շարունակել համագործակցությունը 2026 թվականին՝ արձանագրելով ավելի շոշափելի արդյունքներ:
Հայէկոնոմբանկը վերահսկվում է ՀՀ Կենտրոնական բանկի կողմից:
Հայաստանի քաղաքացիները հայտնվել են ռուսական անձնագիր ստացողների թոփ-5-ում
Սերժ Սարգսյանը պատասխանել է հարցին՝ կմասնակցի՞ առաջիկա ընտրություններին
Քիմ Քարդաշյանին ծաղրել են SKIMS-ի գովազդում չափից դուրս նիհար Սանտա Կլաուսի պատճառով
Լուկաշենկոն խոսել է նախագահի պաշտոնից հեռանալու մասին
ՆԱՏՕ-ն հայտարարել է, որ երկարատև պատերազմի համար դաշինքը բավականաչափ դիմացկուն չէ
Աբովյանի 37-ամյա բնակչուհին կեղծ թղթադրամներ էր իրացրել մի շարք բնակավայրերում. նա ձերբակալվել է
Հոգեբուժական փորձաքննությունը հաստատել է, որ Լարիսա Դոլինան վաճառել է բնակարանը հոգեկան անառողջ վիճա...
Գերագույն հոգևոր խորհրդի ժողով՝ Մայր Աթոռ Սուրբ Էջմիածնում
Նախատոնական օրերին Պարեկային ծառայությունը շուրջօրյա վերահսկողություն է իրականացնում խոշոր առևտրի կե...
Մասնագետները որոշել են այն տարիքը, որից մարդիկ պետք է դադարեցնեն մեքենա վարելը