Հռոմի պապը կողմնակիորեն սատարել է ԱՄՆ-ում նավթատարի դեմ հանդես եկող հնդկացիներին

Բնիկ ժողովուրդների հողերին վերաբերող ցանկացած տնտեսական գործունեություն պետք է իրականացվի նրանց համաձայնությամբ: Associated Press-ի փոխանցմամբ՝ այս մասին հայտարարել է Հռոմի Ֆրանցիսկոս պապը:

Ըստ ՌԻԱ Նովոստիի՝ այսպիսով Պապը կողմնակիորեն սատարել է ԱՄՆ-ի հնդկացիներին, որոնք դեմ են Հյուսիսային Դակոտա նահանգում նավթատարի կառուցմանը

Բնիկ ժողովուրդների ներկայացուցիչների հետ հանդիպմանը Ֆրանցիսկոս պապը տնտեսական զարգացման եւ իրենց հողերի եւ մշակույթի պաշտպանության իրավունքների համադրումն առանցքային խնդիր է համարել:

Ավելի վաղ ԱՄՆ-ում դատարանը մերժել էր հնդկական ցեղերի հայցը, որոնք փորձում են դադարեցնել Dakota Access նավթատարի շինարարությունը՝ խնդելով, որ նախագծի իրականացումն իրենց կխանգարի կրոնական արարողություններ կազմակերպել:

Նախագիծը, որը պետք է ավարտին հասցվել դեռեւս անցյալ տարի, ձգձվում է մի քանի հարյուր ակտիվիստների բողոքների պատճառով, որոնք մտավախություն ունեն, որ այն բացասաբար կանդրադառնա խմելու ջրի որակի վրա եւ կհանգեցնի հնդկացիների սրբազան հողերի պղծմանը:

2016 թվականին ԱՄՆ-ի իշխանությունները համաձայնել էին քննարկել խողովակաշարի երթուղին, սակայն հունվարին նոր նախագահ Դոնալդ Թրամփը հրամանագիր է ստորագրել շինարարությունը վերսկսելու մասին:

news.am

Այս թեմայով Հռոմի Պապը պաշտպանել է ԱՄՆ-ի և Իրանի միջև խաղաղության համաձայնագիրը Աստված մերժում է «արյունով թաթախված ձեռքեր» ունեցողների աղոթքները․ Հռոմի պապը՝ պատերազմ մղող առաջնորդներին Կայացել է Հռոմի Պապ Լևոն XIV-ի գահակալության արարողությունը Հռոմի Սրբազան Քահանայապետ է ընտրվել ամերիկացի կարդինալ Ռոբերտ Ֆրենսիս Պրևոն Հռոմի պապ Ֆրանցիսկոսը կենդանության օրոք դեմ է արտահայտվել զենք կուտակելուն