Եվրահանձնաժողովը պաշտպանում է Մադրիդի քայլերը Կատալոնիայի ճգնաժամի հարցում

Եվրահանձնաժողովը պաշտպանում է Իսպանիայի կառավարության սահմանադրական միջոցները Կատալոնիայի ճգնաժամի հարցում։ Այս մասին ասել է Եվրամիության գործադիր կոլեգիայի ներկայացուցիչ Մարգարիտիս Շինասը, փոխանցում է «ՌԻԱ Նովոստի»–ն։

«Այդ միջոցները տեղավորվում են սահմանադրական համատեքստում»,– ասել է նա՝ լրագրողի հարցին ի պատասխան։

Հիշեցնենք, որ Իսպանիայի կառավարությունը արտահերթ նիստի ժամանակ միջոցներ է մշակել կատալոնական ճգնաժամը հաղթահարելու համար։ Դրանցից մեկը կլինի ինքնավարության ժեներալիտետի ղեկավարին, նրա տեղակալին եւ խորհրդականներին պաշտոնից ազատելը, 6 ամսվա ընթացքում տարածաշրջանային խորհրդարանի արտահերթ ընտրություններ անցկացնելը։ Այս միջոցները պետք է հաստատի Իսպանիայի Սենատը։

Ավելի վաղ Կատալոնիայի առաջնորդ Կառլես Պուչդեմոնը հայտարարել էր, որ Կատալոնիայի իրավունքների սահմանափակման ագրեսիվ քաղաքականությունն իրականացվում է Իսպանիայի թագավոր Ֆելիպե VI-ի աջակցությամբ:

Լուրեր Հայաստանից - NEWS.am

Այս թեմայով Պուչդեմոնին Իսպանիայում կամ կդատեն կամ չեն դատի Իսպանիայի կառավարությունը հրաժարական տվեց․ նոր վարչապետը կլինի սոցիալիստ Պեդրո Սանչեսը Գերմանիայի դատարանը երկարաձգել է Կառլես Պուչդեմոնի կալանքը Գերմանական դատարանը այսօր կսկսի քննել Կարլես Պուչդեմոնի`Իսպանիա արտահանձնման հարցը Կատալոնիայի խորհրդարանը բողոքարկել է Մադրիդի՝ տարածաշրջանային ճգնաժամի հաղթահարման միջոցառումները