Թուրքիայի 5 նախարարներ կարող են զրկվել իրենց պաշտոններից

Այն բանից հետո, երբ Թուրքիայում մի շարք քաղաքապետների փոփոխության հարց առաջացավ, քաղաքական կուլիսներում խոսում են, որ որոշ նախարարներ կարող են զրկվել պաշտոններից։
«ԱԶԿ-ում կարող են փոփոխություններ լինեն և մի շարք նախարարներ կարող են փոխվել։ Օպերացիայի ընթացքում ամենաքիչը 5 նախարարներ կարող են փոխվել»,-գրում է թուրքական «Sozcu» թերթի կայքը։
Քաղաքական կուլիսներում այժմ խոսում են նաև այն մասին, որ 2019թ․ մարտին Թուրքիայում կայանալիք տեղական ինքնակառավարման մարմինների ընտրություններից առաջ՝ 2018-ի հունիսին երկրում կարող են տեղի ունենալ նախագահական և խորհրդարանական ընտրություններ։
Նշվում է, որ այս հնարավոր փոփոխությունների պատճառ կարող է դառնալ Թուրքիայի «Ազգայնական շարժում կուսակցության» (MHP-ԱՇԿ) շարքերը լքած Մերալ Աքշեները, ով այս շաբաթ պաշտոնապես ստեղծելու է իր կուսակցությունը։
Թուրքական աղբյուրը նշում է, որ նման դեպքերից խուսափելու համար, ԱԶԿ-ն ցանկանում է ժամանակից շուտ ազատվել անցանկալի մարդկանցից։
Աղբյուր` Ermenihaber.am