Թեժ պայքար Կապանում. ստիպողաբար թեկնածություն դնողները սարսափի մեջ են

«Չորրորդ իշխանություն» թերթը գրում է. «Ինչպես հայտնի է, Կապանի քաղաքապետի պաշտոնի հավակնորդ Աշոտ Հայրապետյանի թեկնածությունը Սյունիքի մարզպետ Վահե Հակոբյանի սրտով չէ։ Նա ի սկզբանե ցանկանում էր, որ այդ պաշտոնում առաջադրվի մարզպետարանի աշխատակազմի ղեկավար Ռուդոլֆ Սարգսյանը, սակայն «ՉԻ» տեղեկություններով՝ Բաղրամյան 26-ից թույլ չեն տվել, քանի որ Աշոտ Հայրապետյանի հենարանը նրա եղբայրն է՝ ՀՀ ԱՆ գլխավոր սրտաբան՝ Համլետ Հայրապետյանը։

Այժմ էլ Վահե Հակոբյանը որոշել է Կապանի ավագանու կազմում ընդգրկել բացառապես իր մարդկանց, այդ նպատակով նա մի շարք անձանց հրահանգել է առաջադրվել ավագանու պաշտոնի համար, որոնց կազմում են դպրոցի տնօրեններ, մարզպետարանի պաշտոնյաներ եւ այլք։

«ՉԻ» աղբյուրների փոխանցմամբ՝ ապագա թեկնածուները տարակուսած են, չգիտեն՝ ինչ են անելու, քանի որ ԿԳԲ-շնիկ մարզպետի գործերը անմեկնելի են, կամ նա ցանկանում է իսկապես իր մարդկանցով ավագանի ձեւավորել եւ Աշոտ Հայրապետյանի կյանքը դժոխք դարձնել, կամ նրանց ստիպում է առաջադրվել, որպեսզի խայտառակվեն ընտրությունների արդյունքում եւ հրաժեշտ տան իրենց պաշտոններին։ Ավագանու 15 տեղի համար արդեն առաջադրվել է 40 թեկնածու, որոնք ամբողջ օրը զբաղված են կապանցիներին զանգելու եւ ձայն խնդրելու գործով։ «Մեզ պետք չի ավագանի դառնալ, մարզպետն է կարգադրել». պարզաբանում են ստիպողբար թեկնածություն դնողները»:

Մարամասը՝ թերթի այսօրվա համարում: