Որոշումը կայացվել է․ ով կլինի Ներքին գործերի նախարար
«Ժողովուրդ» օրաթերթի տեղեկություններով, մինչեւ 2023-ի հունվարի 10-ը ՀՀ Ներքին Գործերի նախարար կնշանակվի: Իրավապահ համակարգից տեղեկանում ենք, որ քաղաքական իշխանությունների կողմից որոշումն արդեն կայացված է եւ ներկայիս Ոստիկանապետ Վահե Ղազարյանին արդեն վստահեցրել են՝ հենց նա է լինելու Ներքին գործերի նախարարը:
Իհարկե, ՆԳ նախարարի մասով քննարկումներ շատ են եղել իշխող թիմում: Հնչել է տեակետ, թե Վահե Ղազարյանը հրապարակային կերպար չէ, եւ դժվար է պատկերացնել, թե ինչպես է ԱԺ-Կառավարություն հարցուպատասխանի ժամանակ ամբիոնից խոսելու, այնուամենայնիվ ընտրությունը կանգ է առել հենց Վահե Ղազարյանի վրա, քանի որ այդպես է ուզում Նիկոլ Փաշինյանը: Ինչպես հայտնի է, 2022 թվականի դեկտեմբերի 16-ին Ազգային ժողովը երկրորդ ընթերցմամբ եւ ամբողջությամբ ընդունեց Ներքին Գործերի նախարարություն ստեղծելու նախագիծը:
Այսպիսով, ըստ ընդունված նախագծի համաձայն, ՀՀ Արտակարգ իրավիճակների նախարարությունը կդադարեցնի իր գործունեությունը։ ՆԳՆ ենթակա մարմիններ կլինեն Ոստիկանությունը, Միգրացիայի և քաղաքացիության ծառայությունը, Փրկարար ծառայությունը: Ընդունված օրենքի անցումային դրույթներում սահմանվում է, որ վարչապետը Հանրապետության նախագահին պետք է ներկայացնի ներքին գործերի նախարարի թեկնածու նշանակելու մասին գրավոր առաջարկություն:
Իսկ արդեն Ներքին գործերի նախարարը լիազորություններն ստանձնելու պահից մեկ ամսվա ընթացքում վարչապետին է ներկայացնում նախարարի տեղակալների եւ ենթակա մարմինների ղեկավարներ նշանակելու մասին առաջարկությունը: Հավելենք, որ այս մասով մեկ հստակություն էլ կա. Նիկոլ Փաշինյանն անձամբ է ասել, ՀՀ արդարադատության նախարարի տեղակալ Արփինե Սարգսյանը կզբաղեցնի ՆԳՆ նախարարի տեղակալի պաշտոնը:
Միայն այն, որ ես 73 տարեկան եմ, չի նշանակում, որ ես պետք է դադարեմ սեքսով զբաղվել
ՆԳՆ ոստիկանությունը հորդորում է զերծ մնալ երեխաների հուզական վիճակը խաթարող տեսանյութեր հրապարակելու...
Երեւանում դպրոցներից մեկի ֆիզկուլտուրայի դահլիճում 11-ամյա երեխաները հրել և վայր են գցել համադասարան...
«Հանրամեդիա»․ Լրագրողների մի մասն ունի անպատժելիության կեղծ զգացողություն (տեսանյութ)
Իրանում մի քանի քաղաքական գործիչների են ձերբակալել՝ հունվարին բողոքի ակցիաների մասնակիցներին սատարել...
ԱՄՆ փոխնախագահը փետրվարի 9-10-ը պաշտոնական այցով կլինի Հայաստանում
Անցած տարվա ընթացքում Հեռուստատեսության և ռադիոյի հանձնաժողովը հարուցել է 84 վարչական վարույթ
Մենք ունենք հարաբերությունների նույն մակարդակը, ինչ նախորդ տարիներին, ինչը ցավալի է
Թուրքիայում արագացրել են Հայաստանի հետ սահմանային անցակետի բացման աշխատանքները
Իրաքը Սիրիայի բանտերից ընդունել է ավելի քան 2,2 հազար «Իսլամական պետություն» խմբավորման կողմնակիցներ...