Ղրղըզստանի իրավապահները նախագահի ընտրություններից երկու օր առաջ սկսել են հետաքրքրվել ընդդիմադիր թեկնածուով

Ղրղըզստանի նախագահական ընտրություններից երկու օր առաջ երկրի իրավապահները ընդդիմադիր թեկնածու Օմուրբեկ Բաբանովի ելույթներում զանգվածային անկարգություններ հրահրելու և իշխանություններին չհնազանդվելու կոչեր են հայտնաբերել:

Ղրղըզստանի ազգային անվտանգության փորձագիտական հանձնաժողովի տվյալներով՝ ընդդիմադիր թեկնածուի ելույթում ազգամիջյան ատելություն հրահրելու նշաններ կան: Նյութերը փոխանցվել են երկրի գլխավոր դատախազություն:

Սեպտեմբերի վերջերին Բաբանովը, ով համարվում է իշխանական թեկնածու, նախկին վարչապետ Սոորնբայ Ժեենբեկովի հիմնական մրցակիցը, Օշ քաղաքի բնակիչների հետ հանդիպմանը ի թիվս այլ հայտարարությունների նաև ասել էր․ - «Ավելի լավ է մեռնել կանգնած, քան ապրել ծնկաչոք»: Օշ քաղաքում, հիշեցնենք, 2010 թվականին ուզբեկների և ղրղըզների միջև բախումներ են տեղի ունեցել:

Քաղաքական գործչի նախընտրական շտաբում պնդում են, որ մեջբերումը ընդհանուր խոսքից հանվել է և մոնտաժվել: Բաբանովը, ըստ թիմակիցների, խոսել է ընտրություններում խախտումների մասին:

Այս թեմայով Ղրղզստանի իշխանությունները կալանք են դրել նախկին նախագահ Աթամբաեւի ունեցվածքի հիմնական մասի վրա Ղրղզստանցի մարզիկները հրաժարվել են մենամարտել իրար դեմ Ղրղզստանում անկարգությունների ժամանակ 139 մարդ է տուժել Ղրղզստանի ԱԱՊԿ ղեկավարն Աթամբաեւին մեղադրել է պետական հեղաշրջում նախապատրաստելու մեջ Ղրղզստանում նախկին նախագահ Աթամբաևի ձերբակալության ժամանակ բախումների հետևանքով տուժածների թիվը հասել է 136-ի