Իշխանությունների հակառակորդները նոյեմբեր-դեկտեմբերից կսկսեն ցնցել իրավիճակը երկրում․ Բելառուսի ՊԱԿ

Բելառուսի Պետական անվտանգության կոմիտեն (ՊԱԿ) կարծում է, որ հանրապետության իշխանությունների հակառակորդները նոյեմբեր-դեկտեմբերից կսկսեն ցնցել իրավիճակը երկրում։ Այս մասին հայտարարել է ՊԱԿ նախագահի առաջին տեղակալ Սերգեյ Տերեբովը, փոխանցում է ԲԵԼՏԱ-ն։

«Բառացիորեն նոյեմբեր-դեկտեմբերից կսկսվի թեմայի հերթական շահարկումը՝ զուգորդված ուսանողների շրջանում սոցիալական լարվածության օջախների ստեղծմամբ։ Սա հերթական քայլն է, որը մենք սպասում ենք մոտ ապագայում»,- ասել է նա։

Նրա խոսքով, երկրում ներկայումս ապահովված են կարգն ու անվտանգությունը, եւ, «որքան էլ պարադոքսալ է, բայց հենց դրա հետ կապված են իրավապահ մարմիններն արձանագրում արտաքին միջամտության սպառնալիքի աճ Լիտվայի, Լատվիայի, Լեհաստանի եւ Ուկրաինայի տարածքից»։

«Քաղաքական էմիգրացիոն կենտրոնները շարունակում են իրենց քաղաքական նախագծի՝ այսպես կոչված, միասնական անցումային կաբինետի զարգացման եւ դրա ճանաչումն ու ֆինանսավորումն Արեւմուտքի կողմից ապահովելու գործունեությունը՝ որպես վտարանդի կառավարություն: Այստեղ կա միայն մեկ նպատակ՝ լեգիտիմությունից զրկել գործող իշխանություններին եւ արդարացնել ահաբեկչություններն ու դիվերսիաները»,- ասել է ՊԱԿ փոխնախագահը։