Վահագն Խաչատուրյանը թագուհու հոգեհանգիստը վերածել է ֆոտոսեսիայի

Բրիտանական մամուլը գրում է, որ ՀՀ նախագահը Մեծ Բրիտանիայի թագուհու հոգեհանգստին լուսանկարվել է այն վայրերում, որտեղ լուսանարվել չի թույլատրվում:

Վահագն Խաչատուրյանն իր օգնականին դիմել է (խոսքը Մեծ Բրիտանիայում ՀՀ դեսպանի մասին է) , մի քանի լուսանկար անել հոգեհանգստի ֆոնին:

Սա մամուլում դարձել է քննադատության առարկա:

Ականատեսները պնդել են՝ Հայաստանի ղեկավարը Վեսթմիսթերյան սրահում բարձրաձայն ծիծաղել է և կատակել:

Ինչպես նշվում է աղբյուրում, Վահագն Խաչատուրյանի գործողությունները հակասում են պալատի խիստ կանոններին, ըստ որոնց՝ արգելվում է լուսանկարել կամ տեսանկարահանել սրահը, որտեղ դրված է եղել թագուհու աճյունը և հարկավոր է հարգալից վարք դրսևորել: