Մոսկվան ստացել է Երեւանի դիմումը՝ իրավիճակի կարգավորմանն աջակցելու խնդրանքով. ՌԴ ԱԳՆ
ՌԴ ԱԳՆ-ն չափազանց անհանգստացած է հայ-ադրբեջանական սահմանի առանձին շրջաններում սեպտեմբերի 13-ի գիշերն իրադրության կտրուկ սրացման հետ կապված։ Այս մասին նշվել է ՌԴ արտաքին գործերի նախարարության հայտարարությունում։
«Կողմերին կոչ ենք անում ձեռնպահ մնալ իրավիճակի հետագա թեժացումից, զսպվածություն ցուցաբերել եւ անշեղորեն հետեւել հրադադարի ռեժիմին՝ Ռուսաստանի, Ադրբեջանի եւ Հայաստանի ղեկավարների 2020թ. նոյեմբերի 9-ի, 2021թ. հունվարի 11-ի եւ նոյեմբերի 26-ի եռակողմ հայտարարություններին համապատասխան։
Սերտ կապի մեջ ենք Բաքվի եւ Երեւանի հետ։ Ստացվել է Հայաստանի ղեկավարության դիմումը՝ իրավիճակի կարգավորմանն աջակցելու խնդրանքով, նաեւ ՀԱՊԿ-ի գծով առկա երկկողմ համաձայնագրերին համապատասխան։ Հույս ունենք, որ ռուսական միջնորդության արդյունքում սեպտեմբերի 13-ին, Մոսկվայի ժամանակով ժամը 9.00-ին ձեռք բերված պայմանավորվածությունը հրադադարի մասին կկատարվի ամբողջ ծավալով։
Ինչպես եւ առաջ, ելնում ենք այն բանից, որ բոլոր վիճելի խնդիրները Հայաստանի եւ Ադրբեջանի միջեւ պետք է լուծվեն բացառապես քաղաքական-դիվանագիտական ճանապարհով, իսկ սահմանային հարցերին վերաբերող մասով՝ հայ-ադրբեջանական սահմանի սահմանազատման երկկողմ հանձնաժողովի աշխատանքի շրջանակում, Ռուսաստանի խորհրդակցական աջակցությամբ»,- նշվել է հայտարարությունում։
Անծանոթ անձանց մի՛ տրամադրեք անձնական տվյալներ․ ՆԳՆ ոստիկանությունը զգուշացնում է (տեսանյութ)
Փաշինյանի հրամանով փակման ենթակա խանութում ՊԵԿ-ը նախկինում ձեռնարկել էր օպերատիվ-հետախուզական միջոցա...
«Բավարիայի» կիսապաշտպանը՝ Ավստրիայի լավագույն ֆուտբոլիստ
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Մակրոնը հայտարարել է լայնածավալ ռազմական ծրագրի մեկնարկի մասին
Իսպանացի արքայադուստրը խախտել է թագավորական ընտանիքի ավանդույթը
ԱՄՆ-ն ցանկանում է հանգստավայր կառուցել Գազայի հատվածի ավերակների վրա
Գյումրիում կատարված uպանnւթյnւնը բացահայտվել է, մեկ անձ ձերբակալվել է
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
Սիլիկյան թաղամասում հայտնաբերվել են 2 սատկած շներ՝ մետաղական լարով խեղդած և կապված