Ամուսնական զույգը խաբել է Amazon առցանց խանութին՝ վաստակելով շուրջ մեկ միլիոն դոլար

Ամերիկացի ամուսինները Ամերիկայի Միացյալ Նահանգներից, որոնք 1.2 մլն դոլարի խաբել են Amazon առցանց խանութին, մեղավոր են ճանաչվել խարդախության համար: Այս մասին հաղորդում է «The Star Press» թերթը:

Էրին և Լիա Ֆինանները հարյուրավոր կեղծ հաշիվներ են բացել կայքում և էլեկտրոնիկա պատվիրել, որը ստանալուց անմիջապես հետո պահանջել են ապրանքի փոխարինում՝ վնասված ապրանքների վերականգնման կարգից ելնելով: Համաձայն Amazon-ի կանոնների, պարտադիր չէ, որ կոտրված կամ փչացած ապրանքը ետ վերադարձվի նորը ստանալու նպատակով:

Զույգն այսպիսով սմարթֆոն, ֆոտոխցիկ կամ այլ սարք է պատվիրել և հետո նորը պահանջել, բողոքելով, որ դրանք չեն աշխատում: Այնուհետև էլեկտրոնիկան միջնորդի միջոցով շուկայական գներից ցածր գներով ամուսինները սկսել են վաճառել, արդյունքում 1.2 մլն դոլար վաստակելով:

Այժմ Էրին և Լիա Ֆինաներին սպասվում է մինչև 20 տարվա ազատազրկում՝ խաբեբայության և կեղծարարության համար: