Որքան գումար կարելի է կուտակել 90 հազար դրամ աշխատավարձով. Աշտարակի 28-ամյա քաղաքապետի ունեցվածքը

«Ժողովուրդ թերթը գրում է. «ՀՀ Արագածոտնի մարզի Աշտարակի 28-ամյա քաղաքապետ Թովմաս Շահվերդյանը, չնայած իր երիտասարդ տարիքին, զգալի ունեցվածք ունի:

«Ժողովուրդ»-ը նրա պաշտոնական հայտարարագրից տեղեկացավ, որ տուն չունի, ունի ընդամենը «Vokswagen Touareg 3.6» մակնիշի մեկ ավտոմեքենա: Երիտասարդ քաղաքապետի դրամական միջոցները կազմում են 9 հազար դոլար եւ 12 մլն դրամ: Իսկ աշխատավարձը, որը հայտարարագրել է որպես եկամուտ, ամսական կազմում է 90 հազար 560 դրամ:

Համաձայնեք, որ այսքան աշխատավարձ ստանալու դեպքում հայաստանյան պայմաններում անհնար է այսքան դրամական միջոց կուտակել»:

Մանրամասները՝ թերթի այսօրվա համարում