Հայաստանում Ռուսաստանին բարեկամ է համարում մոտ 78 տոկոսը, թշնամի՝ մոտ 4 տոկոսը

Այս տարվա մայիսին անցկացված հարցման արդյունքներով Ռուսաստանին բարեկամ երկիր է համարել հարցվածների 76,9 տոկոսը եւ թշնամի՝ 3,9 տոկոսը: Այս մասին այսօր՝ սեպտեմբերի 27-ին, «Դեպի Հյուսի՞ս, թե՞ Արեւմուտք դիրքորոշումներ» հասարակական կարծիքի ուսումնասիրության արդյունքները ներկայացնելիս նշել է «Հասարակական հետազոտությունների առաջատար խումբ» ՀԿ-ի (APR Group) նախագահ Ռուբեն Սարգսյանը:

Նրա խոսքով, 2016 թվականին Ռուսաստանին բարեկամ երկիր է համարել հարցվածների 61 տոկոսը եւ թշնամի՝ 11,3 տոկոսը:

Ռուբեն Սարգսյանը հատկանշական համարեց, որ Ռուսաստանին ոչ բարեկամ կամ թշնամական պետություն համարողների 46,8 տոկոսը կողմնակից է ԵՄ-ին, եւ միայն 14 տոկոսը՝ ԵՏՄ-ին: Իսկ ահա Ռուսաստանին բարեկամ համարողների 31,6 տոկոսը կողմնակից է ԵՄ-ին, եւ 36,1 տոկոսը՝ ԵՏՄ-ին:

Լուրեր Հայաստանից - NEWS.am