Հայրենակիցների վերաբնակեցման ծրագրով 10 տարում Հայաստանից 42.000 մարդ տեղափոխվել է ՌԴ

2007-ից գործող Հայրենակիցների կամավոր վերաբնակեցման պետական ծրագրով 2007-2017 թվականներին Հայաստանից ավելի քան 42.000 քաղաքացի տեղափոխվել է Ռուսաստան, գրում է RT-ն:

10 տարվա ընթացքում Ռուսաստան է տեղափոխվել 584.900 մարդ, որից 7,2%-ը Հայաստանի քաղաքացիներ են. սա ՌԴ ՆԳՆ պաշտոնական տվյալն է:

Ծրագրի ամենաակտիվ մասնակիցներն Ուկրաինայից են (38,8%), ապա Ղազախստանից (20,6%), Ուզբեկստանից (12,1%), Մոլդովայից (8,5%):

ՌԴ Հայրենակիցների վերաբնակեցման մասին պետական ծրագրով միայն 2017-ի առաջին կիսամյակում Ռուսաստան է տեղափոխվել 41.000 մարդ: 2016-ի նույն ժամանակահատվածում վերադարձել էր 88.000 մարդ:

armtimes.com