«Զապադ 2017»-ի ժամանակ ուղղաթիռը կրակ է արձակել հանդիսատեսի ուղղությամբ

Սանկտ Պետերբուրգի մերձակայքում «Զապադ 2017» զորավարժությունների ընթացքում Կա-52 ռազմական ուղղաթիթը կրակ է արձակել հանդիսատեսի ուղղությամբ` ծանր վիրավորելով առնվազն երկու հոգու: Այս մասին հայտնում է «Ազատություն» ռադիոկայանի ռուսական ծառայությունը:

Պատճառը, ինչպես հայտնում է ռուսական մամուլը, կարող էր լինել տեխնիկական անսարքությունը: Լրատվամիջոցը, վկայակոչելով 66.ru կայքը, նշում է, որ միջադեպը ենթադրաբար տեղի է ունեցել «Լուժսկի» փորձադաշտում սեպտեմբերի 17-ին կամ 18-ին: Պաշտոնապես, սակայն, միջադեպի մասին չի հաղորդվել:

Աղբյուրը նշում է, որ նախօրեին այդ նույն փորձադաշտ էին այցելել Ռուսաստանի նախագահ Վլադիմիր Պուտինն ու պաշտպանության նախարար Սերգեյ Շոյգուն:

«Զապադ 2017» ռուս-բելառուսական զորավարժությունները մեկնարկել են սեպտեմբերի 14-ին՝ հրետանային հարյուրավոր միավորների, տասնյակ ռազմանավերի, ուղղաթիռների ներգրավմամբ: Զորավարժությունների սցենարի համաձայն՝ զորքը պետք է դիմադրություն ցույց տա արևմտյան երկրների բանակին:

ՆԱՏՕ-ն հայտարարել է, թե այդ զորավարժությունները վկայում են, որ Ռուսաստանը պատրաստվում է «մեծ պատերազմի»:

Այս թեմայով Ռուս ընդդիմադիր գործիչ Ալեքսեյ Նավալնին բանտում մահացել է Սիրիայում ՌԴ–ի հետ հակասությունը C-400–ների վրա չի ազդի Ռուսաստանը Թուրքիային կոչ է անում խստորեն կատարել Իդլիբի վերաբերյալ Սոչիի համաձայնագիրը․ Լավրով Ռուսաստանի հետ համատեղ հերթապահությունը կսկսվի մոտ ժամանակներս.Թուրքիայի պաշտպանության նախարար ՌԴ ՊՆ-ն ցուցադրել է «Օխոտնիկ» նորագույն անօդաչուի առաջին թռիչքը (տեսանյութ)