Թուրք մոդելը գնդակահարել է հայտնի թուրք հաղորդավարին ու նույն զենքով ինքնասպան եղել

Ստամբուլի Բեշիկթաշ շրջանի հայտնի հյուրանոցներից մեկում այս գիշեր սպանվել է հայտնի թուրք հաղորդավար Վաթան Շաշմազը, գրում է թուրքական «Սաբահ» պարբերականը:

43-ամյա հեռուստաաստղի անշնչացած մարմինը գտել են հյուրանոցային համարում:

Լրատվամիջոցները հայտնում են, որ նրա վրա կրակել է 55-ամյա նախկին մոդել Ֆիլիզ Աքերը, ով 4 անգամ Շաշմազի ուղղությամբ փամփուշտ արձակելուց հետո նույն զենքով ինքնասպան է եղել:

Թուրքիան ցնցած սպանությունը տեղի է ունեցել այս գիշեր. հայտնի մոդել Աքերը, ով տարիներ առաջ ԱՄՆ էր տեղափոխվել, ամիսներ առաջ վերադարձել էր Ստամբուլ ու տեղավորվել ստամբուլյան հյուրանոցներից մեկում:

Դեպքի օրն ուշ երեկոյան նախկին մոդելն ընթրելիս է եղել, այնուհետև զանգ ստացել, որից հետո արագ բարձրացել իր սենյակ: Երկար ժամանակ մորաքրոջից լուր չստացած տղան դիմել է անվտանգության աշխատակիցներին, որոնք էլ կոտրելով սենյակի դուռը՝ այնտեղ հայտնաբերել են Շաշմազի և Աքերի արյունոտ մարմինները:

tert.am