Այլ երկրներում այսպիսի ամոթալի պարտությունից հետո ընդամենը վայրկյանների հարց կարող էր լինել պարտված իշխանությունների հեռացումը․ Խաչիկ Գալստյան (տեսանյութ)
Պարտված առաջնորդը, որն ազգին տարավ խայտառակ պարտության, չկարողացավ կազմակերպել մեր դիմադրությունը, լինելով համար առաջին պատասխանատուն, բնականաբար, նաև համար առաջին մեղավորն է։ Այս մասին Հանրապետության հրապարակում Նիկոլ Փաշինյանի հրաժարականի պահանջով հանրահավաքի ընթացքում Tert.am-ի հետ զրույցում ասաց «Հայրենիք» կուսակցության խորհրդի անդամ Խաչիկ Գալստյանը։
«Շատ բարոյական կլիներ, որ նա հեռանար՝ ընդունելով մեղքի իր ահռելի բաժինը, և ազգային համերաշխության, կոնսոլիդացիայի միջոցով մենք փորձեինք ազգովի ելքը գտնել այս ճահիճից»,-ասաց նա։
Գալստյանը նշեց՝ ուրիշ երկրներում այսպիսի խայտառակ, ամոթալի պարտությունից հետո ընդամենը վայրկյանների հարց կարող էր լինել պարտված իշխանությունների հեռացումը։
«Ինչքան էլ մենք ասենք՝ քաղաքականությունը բարոյականության հետ առնչություն չունի, ես կատեգորիկ համաձայն չեմ։ Ներքին, բարոյական կոդեքսը յուրաքանչյուր ղեկավարի համար պետք է լինի գերակայող»,-նշեց նա։
Հարցին՝ հանրահավաքներով, բողոքի ակցիաներով հնարավոր կլինի՞ հեռացնել Նիկոլ Փաշինյանին, քանի որ նրա օրակարգում հրաժարականի հարց չկա, Գալստյանն արձագանքեց․
«Սահմանադրական ճանապարհն է միակ ուղին՝ այս դավաճան իշխանություններին հեռացնելու։ Մենք պատրաստ ենք իրականացնել Սահմանադրությամբ, օրենքներով չարգելված բոլոր հնարավոր միջոցները։ Քաղաքացիական անհնազանդության, մեր բողոքի ձայնը արտահայտող հարյուրավոր միջոցներ կան, այդ բոլոր միջոցները հասու են մեզ, և մենք պատրաստվում ենք դրանք բոլորն իրականացնել, որ հասնենք նրա հեռացմանը»,-ասաց Խաչիկ Գալստյանը։
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Կասեցվել է Վանաձորի գազալցակայաններից մեկի հեղուկ գազի վաճառքը
Արեգնազ Մանուկյանը ձերբակալվել է՝ դատարան ներկայացնելու համար. ՔԿ
Շատ եմ ցանկանում, որ չեմպիոն դառնա ֆուտբոլ խաղացող հավաքականը
Վ.Բրյուսովի անվան պետական համալսարանի ամբիոնի վարիչը մեղադրվում է հովանավորչության համար կաշառք ստան...
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Ռուսաստանում կոնյակի արտադրությունը հունիսին էական նվազել է
Կարծում եմ, որ այս հակամարտությունը կարող է լուծվել. Թրամփ
ԲՏԱ փոխնախարարը մասնակցել է Salesforce-ի կազմակերպած Enter the Next Phase of Agentic Experience ֆորո...
Հուսով ենք՝ Հայաստանը կունենա իր նավթազտարանը, որտեղ Իրանի հում նավթից կստանան անհրաժեշտ նավթամթերք