Pfizer-ի պատվաստանյութի ներարկումից հետո գրանցել են ալերգիկ ռեակցիայի 2 դեպք
ԱՄՆ-ում գրանցել են ալերգիկ ռեակցիայի 2 դեպք կորոնավիրուսի դեմ Pfizer-ի եւ BioNTech-ի արտադրության պատվաստանյութի ներարկումից հետո. Ալյասկայում երկու բուժաշխատողներ հոսպիտալացվել են այս պատվաստանյութը ստանալուց հետո: Նրանց կյանքին վտանգ չի սպառնում, բայց ԱՄՆ կարգավորող մարմինները նշել են, որ անհրաժեշտ է ներարկման կենտրոններում ունենալ թթվածնի եւ ադրենալինի պաշարներ:
Պատվաստվածներից մեկի՝ միջին տարիքի կնոջ մոտ, որի հիվանդության պատմության մեջ ալերգիայի մասին նշում չկար, պատվաստանյութը ներարկելուց հետո 10 րոպե անց զարգացել է անաֆիլակտիկ ռեակցիա: Նրա մոտ առաջացել է ուժեղ հեւոց եւ ցան դեմքին ու մարմնին, հաճախացել է զարկերակը: Կնոջը կատարել են ադրենալինի ներարկում, որն օգտագործվում է սուր ալերգիկ ռեակցիաների դեպքում: Սկզբում ախտանիշները վերացել են, բայց հետո դրանք նորից են հայտնվել, եւ պացիենտին տվել են ստերոիդներ ու էպինեֆրին:
Սակայն մասնագետները հենց դադարեցրել են կաթիլայինով դեղերի ներարկումը ալերգիկ ռեակցիայի նշանները կրկին հայտնվել են, եւ պացիենտին հոսպիտալացրել են ինտենսիվ թերապիայի բաժանմունքում: Վերջին տեղեկություններով՝ նրա կյանքին վտանգ չի սպառնում, բայց կինը շարունակում է մնալ հիվանդանոցում:
Պատվաստանյութի առաջին դեղաչափը ստացած երկրորդ բուժաշխատողի մոտ 10 րոպե անց առաջացել է գլխապտույտ, կոկորդում քոր եւ աչքերի այտուցվածություն: Նրան տեղափոխել են անհետաձգելի օգնության բաժանմունք, որտեղ ներարկել են ադրենալին, ֆամոտիդին եւ բենադրիլ: Այս դեղամիջոցների ներարկումից հետո 1 ժամ անց բոլոր ախտանիշները վերացել են, եւ պացիենտը տուն է գնացել:
Հատկանշական է, որ երկու դեպքն էլ տեղի է ունեցել միեւնույն հիվանդանոցում: Հիվանդանոցի ղեկավարությունը, սակայն, իր աշխատակիցների պատվաստումը դադարեցնելու մտադրություն չունի:
Պատվաստանյութերի հարցերով փորձագետ, բժիշկ Փոլ Ա.Օֆիտը, որը FDA-ին խորհուրդ էր տվել հավանություն տալ Pfizer-ի դեղամիջոցին արտակարգ օգտագործման համար, կարծում է, որ պատվաստման կենտրոններում պետք է լինեն նախազգուշական լրացուցիչ միջոցներ: Նրա խոսքով՝ պատվաստումից հետո պացիենտները նվազագույնը 15 րոպե պետք է լինեն բժիշկների հսկողության տակ: Նրա խոսքով՝ անհրաժեշտ է նաեւ պարզել, թե պատվաստանյութի կոնկրետ որ բաղադրիչն է առաջացրել ալերգիկ ռեակցիաներ:
ԱՄՆ հիվանդությունների վերահսկման եւ կանխարգելման կենտրոնների (CDC) փորձագետները այս միջադեպերից հետո խորհուրդ են տվել կորոնավիրուսի դեմ պատվաստումն անցկացնել միայն պատվաստման կենտրոններում, որոնք հագեցած են թթվածնի եւ ադրենալինի բավարար պաշարով:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները