Անորոշության մեջ հայտնված հայոց պետության կառավարման ղեկը զիջե՛ք համազգային շահերով առաջնորդվող անձերի. ՌԴ-ի հայկական կառույցներ ու հոգեւոր դաս
Հայոց երկրի պետակա՛ն այրեր, քաջությո՛ւն ունեցեք առերեսվելու ստեղծված դառը իրականությանը, ընդունե՛ք կատարած հայրենադավ մեղքը, գիտակցե՛ք ազգային անվտանգությունն ապահովելու ձեր անկարողությունը, վե՛ր դասեք երկրի և ժողովրդի շահը ձեր անձնական ու նեղ նկրտումներից։ Նման հայտարարությամբ է հանդես եկել Ռուսաստանի Դաշնության հայ ազգային, մշակութային, գիտական, հասարակական կառույցները և հոգևոր դասը։
Տարածված հայտարարության մեջ ասվում է.
«Հայ ժողովուրդը բազմադարյա իր պատմության ողջ ընթացքում օրհասական ու ճակատագրական պահերին, շնորհիվ իր միասնական ոգու, հավաքական կամքի և իմաստասեր առաջնորդների, կարողացել է կանխել ազգի գոյապահպանությանը սպառնացող վտանգը, արժանապատվորեն հաղթահարել յուրաքանչյուր փորձություն ու դժվարություն, հավատարմության ուխտով անաղարտ պահել ազգային նվիրական արժեքները։
Սակայն մեր օրերի պատմության ընթացքը բեկվեց սեպտեմբերի 27-ին՝ դարավոր թշնամու կողմից սանձազերծված պատերազմական գործողություններով։
Հայոց փառապանծ բանակի քաջասիրտ զինվորներն իրենց անվարան խիզախությամբ, անմնացորդ նվիրումով ու կյանքի գնով մարտնչեցին վասն հայրենյաց պաշտպանության։ Ցավ ի սիրտ, ներկայիս պետական այրերի անփորձության, անհեռատես ու հայրենակործան կառավարման արդյունքում հաղթանակը փոխարինվեց ամոթալի պարտությամբ։
Կորցրեցինք հայոց Արցախ աշխարհի մեծ մասը, զոհվեցին հազարավոր հայորդիներ, ունեցանք բազում վիրավորներ, անօթևան փախստականներ, խեղված ճակատագրեր ու պղծված սրբություններ։
Ռուսաստանի Դաշնության հայ ազգային, մշակութային, գիտական, հասարակական կառույցները և հոգևոր դասը միակամ հորդորում են, հայոց երկրի պետակա՛ն այրեր, քաջությո՛ւն ունեցեք առերեսվելու ստեղծված դառը իրականությանը, ընդունե՛ք կատարած հայրենադավ մեղքը, գիտակցե՛ք ազգային անվտանգությունն ապահովելու ձեր անկարողությունը, վե՛ր դասեք երկրի և ժողովրդի շահը ձեր անձնական ու նեղ նկրտումներից։
Վշտի ու անորոշության մեջ հայտնված հայոց պետության կառավարման ղեկը զիջե՛ք համազգային շահերով առաջնորդվող անձերի՝ կանխելու օրօրի խորացող ճգնաժամը, միմյանց հանդեպ ատելությունը, անհանդուրժողականությունը, երկպառակությունը, քանզի իմաստուն է ասված. «Անմիաբանությամբ հզորները տկարանում են, իսկ միաբանությամբ տկարները՝ հզորանում»։
Հայաստանը մասնակցել է ՄԱԿ-ի ESCAP-ի Շրջակա միջավայրի և զարգացման կոմիտեի 9-րդ նստաշրջանին
Կասեցվել է Վանաձորի գազալցակայաններից մեկի հեղուկ գազի վաճառքը
Արեգնազ Մանուկյանը ձերբակալվել է՝ դատարան ներկայացնելու համար. ՔԿ
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Շատ եմ ցանկանում, որ չեմպիոն դառնա ֆուտբոլ խաղացող հավաքականը
Վ.Բրյուսովի անվան պետական համալսարանի ամբիոնի վարիչը մեղադրվում է հովանավորչության համար կաշառք ստան...
Կարծում եմ, որ այս հակամարտությունը կարող է լուծվել. Թրամփ
ԲՏԱ փոխնախարարը մասնակցել է Salesforce-ի կազմակերպած Enter the Next Phase of Agentic Experience ֆորո...
Հուսով ենք՝ Հայաստանը կունենա իր նավթազտարանը, որտեղ Իրանի հում նավթից կստանան անհրաժեշտ նավթամթերք
ՆԱՏՕ-ի չորս երկրներ պաշտպանության ֆինանսավորման նոր մեխանիզմ կստեղծեն